Батыс Қазақстан облысының мемлекеттік архивінің атына азаматша Чайка Лариса Николаевнадан алғыс хат келіп түсті.
Өз хатында Лариса Николаевна архив қызметкері Мусаин Ақмаржанға жоғары кәсібилігі, мұқият қарым-қатынасы және сапалы қызмет көрсеткені үшін шынайы алғысын білдірді. Өтініш иесінің айтуынша, маман архивтік анықтама алуға арналған өтінішті қабылдап, барлық қажетті мәселелерді жан-жақты әрі түсінікті түрде түсіндіріп, сыпайылық, ізгі ниет және біліктілік танытқан.
Әсіресе, хат авторы өз пікірінде Ақмаржан сияқты сауатты әрі жауапты мамандардан үлгі алу қажеттігін атап өткен.
Адал еңбегі, азаматтарға көрсеткен жоғары деңгейдегі қызметі және келушінің оң пікірі үшін Батыс Қазақстан облысының мемлекеттік архивінің директоры Ақмаржанға Алғыс хат табыстап, оның кәсібилігі мен архив қызметтерінің сапасын арттыруға қосқан үлесін ерекше атап өтті.
Батыс Қазақстан облысының мемлекеттік архиві ұжымы Лариса Николаевнаға жылы лебізі мен қызметкерлеріміздің еңбегіне берген жоғары бағасы үшін шынайы ризашылығын білдіреді.
