Қарттар күніне мерекесіне орай Батыс Қазақстан облысының мемлекеттік архиві директорының м.а. Қ.Мендигулов архив саласының ардагері Гиляжевa Алтынай Тасқалиқызымен кездесті.
Биыл Алтынай Тасқалиқызы мерейлі жасқа толып, өзінің мерейтойын атап өтті. Осыған орай кездесу барысында оған архив саласында атқарған көп жылғы адал еңбегі, архив ісін дамытуға және тарихи-мәдени мұраны сақтауға қосқан елеулі үлесі үшін шынайы алғыс білдірілді.
Құрмет пен ризашылықтың белгісі ретінде ардагерге Алғыс хат пен сыйлықтар табысталды.
Мұндай кездесулер – архив ісіне саналы ғұмырын арнаған жандарға ерекше құрмет пен ілтипат білдірудің игі дәстүрі. Олардың кәсіби тәжірибесі, мол білімі мен өз ісіне деген адалдығы жас мамандарға үлгі болып табылады.
Батыс Қазақстан облысының мемлекеттік архивінің ұжымы Алтынай Тасқалиқызын мерейтойымен және Қарттар күнімен шын жүректен құттықтап, оған зор денсаулық, ұзақ ғұмыр, бақ-береке, отбасылық амандық және жан жылуын тілейді!
