Қазақстан Республикасының Мемлекеттік рәміздер күніне орай Батыс Қазақстан облысының мемлекеттік архивінде Мемлекеттік Әнұран орындалуымен салтанатты жиын өтті.
Жиын барысында архив директоры қызметкерлерді рәміздер күнімен құттықтап, мемлекеттік рәміздердің ұлттық құндылықтарды дәріптеудегі және тәуелсіздікті айқындаудағы маңызын ерекше атап өтті. Өз сөзінде ол Мемлекеттік Ту, Мемлекеттік Елтаңба және Мемлекеттік Әнұран Қазақстан Республикасының егемендігі мен ұлттық бірегейлігін айқындайтын басты нышандар екенін атап өтті.
Сондай-ақ, мемлекеттік рәміздердің әрбір азаматтың бойында патриоттық сезімді қалыптастырудағы рөліне назар аударылып, оларды құрметтеу мен қастерлеудің маңыздылығы айтылды. Мемлекеттік рәміздер – халқымыздың өткені мен бүгіні арасындағы сабақтастықты көрсететін, ел бірлігі мен тұтастығын бейнелейтін құндылықтар екені ерекше атап өтілді.
