БҚО мемлекеттік архивінің Бөрлі аудандық филиалы және Бөрлі ауданының мектеп музейлерінің жетекшілері бірлесіп ауданның өлкетану музейінде, #2,6 мектептерінде "Архив және болашақ ұрпақ" атты іс-шаралар кешенін өткізді.
Осыған орай Бөрлі ауданының мектеп музейлері мен аудандық архив бірлесіп аудандық өлкетану музейінде "Архив және болашақ ұрпақ" атты жыл сайынғы іс-шара өз деңгейінде ұйымдастырылып, мазмұнды әрі танымды шаралар кешенімен өткізілді. Іс-шараның басты мақсаты - жас ұрпаққа тарихи-мәдени мұраны насихаттау, архив құжаттарының маңыздылығын түсіндіру, туған өлке тарихына деген қызығушылықты арттыру және ұлттыққұндылықты дәріптеу.
Бұл шараға ҰОС ардагері,Қазақ ССР халық ағарту ісінің озық қызметкері Арыстанов Сатан Зинелғазыұлының ұлы Арыстанов Саин Сатанұлы және мектеп музейлерінің жетекшілері мен музей белсенділері, аудандық музей қызметкерлері, мектеп оқушылары, ұстаздар шақырылды. Іс-шара барысында төмендегідей бағыттар бойынша жұмыстар атқарылды:
Дөңгелек үстел, презентация, викторина, экскурсия, көрме, Ұлттық архив қорын толықтыру /Арыстанов С.З./, Ұлттық спорт түрін насихаттау /тоғызқұмалақ/.
Іс-шара бойынша газет бетіне мақала шығып және жергілікті теледидардан көрсетілді.
