Батыс Қазақстан облысының мәдениет, тілдерді дамыту және архив ісі басқармасының Батыс Қазақстан облысының мемлекеттік архивінің сараптау-тексеру комиссиясының кезекті отырысының қорытындысы

    2024 жылдың 30-шы қаңтар күні «БҚО мәдениет, тілдерді дамыту және архив ісі басқармасы» басшысының орынбасары Т.А.Габдушев төрағалығымен облыстық сараптау-тексеру комиссиясының кезекті отырысы өткізілді.

   Комиссия отырысы барысында облыстық мемлекеттік архивтің толықтыру көздерінің өкілдеріне сөз берілді. Баяндамаларда, ұйымдарда іс-жүргізу барысы жөнінде, ведомстволық архивтердің орналасуы мен жай-күйі, құжаттардың қалыптасуы мен сақталуы, және осы бағыттағы жалпы атқарылып жатқан іс-шаралар туралы ақпарат берілді.

     Комиссия мүшелері сөйлеушілердің ақпаратын қортындылай келіп, аталған мекеме басшыларына ведомстволық архивтерде архив ісін және іс жүргізуді жетілдіру мәселелеріне ерекше назар бөлуді, мекемелерде сақтауда тұрған құжаттардың есептерін жүргізуді және олардың талапқа сай сақталуын қамтамасыз ету жөнінде ұсыныстар енгізді.

   Одан әрі комиссия өз жұмысында облыстың келесі мекемелерімен кәсіпорындары ұсынған құжаттарын қарады. Олар: ғылыми-техникалық өңдеу бойынша: «Азаматтарға арналған үкіме мемлекеттік корпорациясы» коммерциялық емес акционерлік қоғамының БҚО бойынша филиалының Сырым аудандық Азаматтық хал жағдай актілерін тіркеу бойынша 1948 жылғы тұрақты сақталатын тізімдемелері, «Уралводпроект» ЖШС (2004-2020 жж.), БҚО прокуратурасы (2005-2006 жж.), Орал қаласының № 2 соты (2014-2018 жж.), Батыс Қазақстан облысының әкімдігі Денсаулық сақтау басқармасының «Облыстық қан орталығы» ШЖҚ МКК(2015-2019 жж.), «Батыс Қазақстан облысының стратегия және экономикалық даму басқармасы» ММ (2009-2013 жж.) құжаттары бекітілді.

   Істер номенклатурасының қорытындысы бойынша: «Орал қалалық мәслихат аппараты» ММ, «Қазақстан Халық банкі» АҚ БҚО филиалы, «Орал қаласының ішкі саясат бөлімі» ММ, Батыс Қазақстан облысының мамандандырылған ауданаралық-экономикалық соты, БҚО әкімдігі білім басқармасының Сырым ауданы білім беру бөлімінің «Амангелді Ғұбайдуллин атындағы балалар музыка мектебі» МКҚК, «Батыс Қазақстан облысының Төтенше жағдайлар департаменті» ММ, «Қазақстан Республикасы Бәсекелестікті қорғау және дамыту агенттігінің Батыс Қазақстан облысы бойынша департаменті» РММ, Батыс Қазақстан облысы әкімдігі денсаулық сақтау басқармасының ШЖҚ «Облыстық патологиялық-анатомиялық бюро» МКК, Батыс Қазақстан облысы әкімдігі білім басқармасының Орал қаласы білім беру бөлімінің «Мектептен тыс жұмыс орталығы» МКҚК, Батыс Қазақстан облысы әкімдігінің білім басқармасының «Батыс Қазақстан индустриалды колледжі» МКҚК істер номенклатуралары келісілді.

   Сонымен қатар, Батыс Қазақстан облыстық соты, «ҚР қаржы министрлігі мемлекеттік мүлік және жекешелендіру комитетінің Батыс Қазақстан мемлекеттік мүлік және жекешелендіру департаменті» ММ сараптау комиссиясы туралы және ведомстволық архиві туралы ережелеріне өз келісімін берді.

Батыс Қазақстан облысының әділет департаменті (2016-2017 жж.) сақтауға жатпайтын құжаттарды жоюға бөлу туралы №1 акт бекітілді.

Келесі СТК-ның отырысы жұмыс жоспарына сәйкес 2024 жылдың 28 ақпанында өтеді.