Батыс Қазақстан облысының мемлекеттік архивінің 100 жылдығына орай «АТиСО» Батыс Қазақстан академиялық колледжінің студенттеріне арналған мастер- класс сабағы өтті !

    Ағымдағы жылдың қыркүйек айының он екісі күні Батыс Қазақстан облысының мемлекеттік архивінің 100 жылдығына орай «АТиСО» Батыс Қазақстан академиялық колледжінің «Басқаруды құжаттамалық қамтамасыз ету және мұрағаттану» мамандығы студенттеріне арналған мастер класс сабағы ұйымдастырылды.

    Шараның негізгі мақсаты - «АТиСО» Батыс Қазақстан академиялық колледжінің студенттеріне архив жұмысын таныстыру, істер номенклатурасын әзірлеу бойынша түсінік жұмыстарын жүргізу, ғылыми-техникалық өңдеу жұмыстары бойынша мастер-класс көрсету және архив саласының қоғамдағы рөлін кеңінен насихаттау.

    Шара барысында Батыс Қазақстан облысының мемлекеттік архивінің Бас қор сақтаушысы Галиаскаров Роман Вадимович кіріспе сөз сөйледі.

Мастер- класс сабағы күн тәртібіне сәйкес ведомстволық архивтермен жұмыс бөлімі басшысының м.а. Доши Бағдат Серікұлы істер номенклатурасын жасақтау мен ғылыми техникалық өңдеу бойынша баяндамасымен таныстырып және істерді түптеп-тігу жұмыстары бойынша мастер-класс көрсетті.

    Іс-шара соңында қатысушылар Батыс Қазақстан облысының мемлекеттік архивінің архив қоймасы және құжаттарды цифрландыру бөлімінің жұмысымен танысып, архив қоймасына экскурсия жасады.