Батыс Қазақстан облысының мемлекеттік архивінің Жалпақтал филиалында өткізілген семинар-кеңес.(25.11.2019)
Ағымдағы жылдың 12-қарашасында Батыс Қазақстан облысының мемлекеттік архивінің Жалпақтал филиалында облыстық архив қызметкерлерінің ұйымдастыруымен «БҚО мемлекеттік архивінің филиалдарында істер номенклатурасын жасау, ғылыми-техникалық өңдеу жұмыстарын жүргізу және жинақтау көздеріне іс жүргізу» тақырыбында тәжірибелік семинар-кеңес өтті.
Семинардың мақсаты – филиалдың жинақтау көздері болып табылатын мекемелерінің қызметкерлеріне істер номенклатурасын жасақтау, құжаттарды ғылыми-техникалық өңдеуден өткізу және оларды архивке тапсыру жұмыстарын ұйымдастыру мен жүргізу бойынша әдістемелік көмек көрсету.
Семинар барысында БҚО мемлекеттік архиві Жалпақтал филиалының директоры М.Карабалин филиалда атқарылып жатырған жұмыстар жөнінде баяндама оқыды. Батыс Қазақстан облысның мемлекеттік архивінің директоры Айжан Нұрғалиқызы Савгабаева Жалпақтал филиалының жинақтау көздері болып табылатын 16 мекеменің мәселелерін тыңдап, сұрақтарға жауап берді. БҚО мемлекеттік архивінің архивистері С.Семғалиев пен Б.Доши істер номенклатурасы мен құжаттарға ғылыми-техникалық өңдеу бойынша кеңінен түсіндіріп, әдістемелік-тәжірибелік көмек көрсетіп, семинардан соң Жалпақтал филиалы қызметкерлерінің жұмысын тексерді.
