Орал драма театрының суретшісі, Қазақ КСР-ның еңбек сіңірген мәдениет қызметкері Борис Дубовиченконың туғанына 90 жыл толу құрметіне жеке тектік қорына жататын құжаттар тізімі(22.05.2017)
Орал драма театрының суретшісі, Қазақ КСР-ның еңбек сіңірген мәдениет қызметкері Борис Дубовиченконың туғанына 90 жыл толу құрметіне Сізге оның өмірі мен қызметіне қатысты құжаттардың электрондық көрмесін ұсынамыз.
Дубовиченко Борис Алексеевич Саратов облысының Энгельс қаласында 1927 жылғы 21 қарашада жұмысшы отбасында дүниеге келді.
Энгельс машина жасау техникумының екі курсын және жұмысшы жастар мектебінің 10 сыныбын бітіргеннен кейін, 1947 жылы Саратов көркемөнер мектебіне түсіп, білім алады.
1953 жылы Көркемөнер мектебін бітірген соң, еңбек қызметін Нальчик мемлекеттік драма театрында сәндік-көркемдік цехтың меңгерушісі ретінде бастады. 1955 жылы Энгельс драма театрына қоюшы суретші болып жұмысқа қабылданды. Театр таратылғаннан кейін 1959 жылы бір жыл Барнаул жас көрермен театрында қызмет атқарды. 1960 жылдан бастап алдымен Кинешма драма театрында бас суретші болып, 1962 жылдан бастап А.Н.Островский ат. Орал облыстық драма театрында қызмет атқарды. 1964 жылы КОКП мүшелігіне үміткер ретінде қабылданып, 1965 жылдан бастап КОКП мүшесі болды.
Ресей Федерациясының және Қазақстанның театрларында қызмет атқарған кезде кеңестік, орыс классикасы және батыс репертуарының 100-ге жуық спектаклін көркемдеді. Орал сахнасында 50-ден астам спектакль көркемдеді.
Б.А.Дубовиченконың соңғы жұмыстары, «Валентин и Валентина», «Пока арба не перевернулась» қойылымдарына декорациялар көрермендердің жоғары бағасына ие болды.
Б.А.Дубовиченко – республикалық көрмеге қатысушы. Оның «Свадьба в Малиновке», «Ярость», «Сильнее смерти» атты еңбектері қазылар алқасының жоғары бағасына ие болды. Борис Алексеевичтің эскиздері облыстық көрмеге де қойылды: «Между ливнями», «Чокан Валиханов», «Королевский брадобрей» қойылымдарына эскиздері және басқалары.
Қаз.КСР драма театрларының республикалық байқауында И.Штоктың «Ленинградский проспект» және Алешинның «Палата» спектакльдерін көркемдегені үшін бірінші дәрежелі дипломға ие болды.
1964 жылы театр өнері саласындағы шығармашылық жетістіктері үшін және «Орал қаласына 350 жыл» белгісінің эскизы үшін ол Құрмет грамотасымен марапатталды. Ұлы Октябрь социалистік революциясының 50 жылдығын тойлаған жылы Борис Алексеевичке КСРО Мәдениет министрлігінің және Мәдениет қызметкерлері кәсіподағының ОК грамотасы берілді.
«В.И.Ленинның туғанына 100 жыл толу қарсаңында Еңбекте үздік шыққаны үшін» медалімен марапатталды.
Қазақстанның Коммунистік партиясы Орталық Комитетінің Құрмет грамотасымен марапатталды.
«Қазақ КСР еңбек сіңірген мәдениет қайраткері» атағы берілді.
Осы көрмені дайындау барысында негізгі дереккөз ретінде «Батыс Қазақстан облысының мемлекеттік архиві» КММ-дегі №83 қорындағы Борис Дубовиченконың жеке ісіндегі құжаттары пайдаланылды.
Көрменің негізгі мақсаты: Орал драма театрының суретшісі, Қазақ КСР-ның еңбек сіңірген мәдениет қызметкері Борис Дубовиченконың туғанына 90 жылтолуынаорай өмірбаяны мен еңбек жолын оқырман қауымға таныстыру.
Міндеттері:
- өлке тарихын зерттеудің дереккөзі ретінде архивтік құжаттарды ұсыну;
- Жерлесіміз Дубовиченко Б. өмірбаянымен таныстыру;
- өлке тарихына құрмет сезімін қалыптастыру.
Мемлекеттік архивке сақтауға 17 сақтау бірлігінен құралған жеке тектік құжаттары қабылданды. Олардың құрамында өмірбаян, жеке өтініш, газеттің қиындылары, мақтау грамоталары, М.Шатровтың «Синие кони на красной траве», М.Варфоломеевтың «Святой и грешник», А.Н.Островскийдың «Светит да не греет», С.Мұқановтың «Ботагоз», А.Иноземцевтың «Пора тополиного пуха», Ю.Авдеевтың «Дочь Ганга», А.Н.Островскийдың «Бедность не порок», С.Алешинның «Если», Панджаридидың «Ажал мен Ажар», Панджаридидың «Между ливнями», П.Поддубныйдың «Валентин и Валентина», Островскийдың драмалық пьесасының спектакльдерін көркемдеуге эскиздері бар.
