ҚР Президентінің Жолдауын іске асыру шаралары талқыланды (11.12.2015)

Үстіміздегі жылдың 11 желтоқсанында мұрағаттың мәжіліс залында облыстық мәдениет, мұрағаттар және құжаттама басқармасы бастамасымен облыстық мұрағат ұжымының жиналысы өтті.

Жиналыста басқарма басшысы Д.Құсайынов төрағалық жасады.

Жиналысқа «Нұр Отан» бастауыш партия ұйымының төрайымы, ұжымның кәсіподақ комитетінің төрайымы, басқарма қызметкерлері және толықтай мұрағаттың ұжымы қатысты.

Жиналыста Д.Құсайынов ҚР Президенті Жолдауы бойынша сөз сөйлеп, Елбасы өз Жолдауында қазақстандықтардың алдына қойған міндеттері туралы түсіндіріп өтті, күні бүгін орын алып келетін дағдарысты абыроймен өтуде әр азаматтың рөлі, маңыздылығы мен жауапкершілігіне тоқталды. Сонымен қатар, біз осы дүниежүзілік дағдарысты тағы да бір сынақ, өсу, өрлеу мен реформалауға тағы да бір мүмкіндік деп қабылдауымыз қажет деді.

Кездесудің соңында Д.Құсайынов облыстық мұрағат ұжымын келе жатқан мейрамдармен құттықтап, еңбекте табыстар мен жетістіктер тіледі.