17.08.2015ж. ХҚКО-да дөңгелек үстел өтті (28.08.2015)

«Мұрағат анықтамаларын беру» мемлекеттік көрсетілетін қызмет стандартын талқылау бойынша БҚО мемлекеттік мұрағатының бастамасымен  «Халыққа қызмет көрсету орталығы» РМК филиалында 2015 жылдың 17 тамызында дөнгелек үстел өткізілді.

Отырысқа екі мекемеден 7 қызметкер қатысты. Бірлескен талдау негізінде жасалып жатқан жұмыстардың дұрыс жолға қойылғандығы және бұдан әрі қарай бірлесіп жасалып жатқан жұмысты жақсартуға келісті. ХҚО инспекторлары БҚО мемлекеттік мұрағаты мемлекеттік көрсетілетін қызметті алушыларға мұрағаттық анықтамалардың дер кезінде беріліп отырғандығын және мемлекеттік көрсетілетін қызметті алушылардан мемлекеттік көрсетілетін қызметті берушіге (БҚО мемлекеттік мұрағаты) наразылықтары болмағандығы айтылды. Сонымен қатар мемлекеттік көрсетілетін қызметті алушылардан өтінішті қабылдаудың түйіткілді мәселелері қарастырылды. Осы аталған мәселелер бойынша хаттама толтырылып, «Мұрағат анықтамаларын беру» мемлекеттік көрсетілетін қызмет стандартын қатан ұстануға келісті.