ҰОС-ның және еңбек ардагері, "Фронтовичка" клубының мүшесі Галина Сергеевна Трофимоваға арналған виртуалды көрме жарияланды (17.08.2015)

Құрметті сайт пайдаланушылары!

Веб-сайттың "Шаралар - Көрмелер" бөлімінде (сілтеме бойынша көріңіз) Сіздің назарларыңызға «Фронтовичка» клубының мүшесі, соғыс және еңбек ардагері Галина Сергеевна Трофимованың №537 қордан электрондық түріндегі жеке тектік құжаттарын және фотосуреттерін ұсынамыз.

Галина  Сергеевна  Трофимова (Калинушкина) 1920 жылдың 27 сәуірінде Орал қаласында құрылысшы отбасында дүниеге келген.

1940 жылы фельдшерлік-акушерлік мектебін бітіргеннен кейін, Орда аудандық ауруханасына жұмысқа жіберілді. 1942 жылы Орда аудандық әскери комиссариатының өкімімен әскерге шақырылған сарбаздарды Сталинград қаласына алып барды. 1943 жылы Орал қаласына оралып, жедел жәрдем станциясында және №1 қалалық емханада жұмыс жасады. Көп кешікпей Кеңес Армиясы қатарына шақырылып, Мәскеу қаласының санитарлық басқармасына жіберілді. Ленинград майданы 54-ші әскері 1027-ші атқыштар полкі 1993-ші госпитальге, кейін 198-ші атқыштар дивизиясы 506-шы атқыштар полкіге аға медбике ретінде жұмысқа жіберілді. Снарядтың гуіліне, минаның жарылысына, қарша бораған оқтарға қарамастан, демалыссыз күні-түні жұмыс жасады. 1945 жылдың 26 маусымында медицина қызметінің капитаны болып қызметтен босатылды.

Соғыстан кейінгі жылдары медицина саласында қызмет етті. Орал қаласының №1 емханасында зейнеткерлікке шыққанға дейін үзіліссіз жұмыс жасады. Зейнеткерлікке шықса да, 1989 жылға дейін жұмысын тастаған жоқ.

Екі қыз тәрбиеледі.

1994 жылдан бастап «Фронтовичка» клубының қатарында. Алайда жасы ұлғайған сайын іс-шараларға сирек қатысуда.

ІІ-ші дәрежелі Отан соғысы орденімен, «Германияны жеңгені үшін», «Жауынгерлік еңбегі үшін», «Еңбек ардагері» медальдарымен, «Кеңес Одағының маршалы Г.К.Жуков» медалімен, меретойлық медальдармен, «Ұлы Отан соғысындағы ерлігі мен айбындылығы үшін» белгісімен марапатталған.

Көрмеге БҚО мемлекеттік мұрағатында сақтауда тұрған «Фронтовичка» клубы мүшелерінің құжаттар жинақтамасынан мұрағаттық құжаттар алынды. 

Негізгі мақсаты: мұрағаттық құжаттар негізінде Ұлы Отан соғысына қатысқан жерлесіміздің тағдырын көрсету.

Міндеттер:

- Ұлы Отан соғысының тарихытуралы мәліметтерді жинақтау;

- Ұлы Отан соғысына қатысушы, «Фронтовичка» клубының мүшелерінің өмірбаянымен таныстыру;

- Ұлы Отан соғысы ардагерлеріне құрмет сезімін қалыптастыру.

Көрме келесі бөлімдерден тұрады:

1. Алғы сөз
2. Өмірбаяндық мәліметтер
3. Марапаттар
4. Г.С.Трофимова туралы басылымдар
5. Фотосуреттер