Жалпақтал филиалында бірлескен көрме ұйымдастырылды (09.09.2015)
26.01.2015 – 31.01.2015 жж аралығында БҚО мемлекеттік мұрағатының Жалпақтал филиалы мен К.Мендалиев атындағы орта жалпы білім беретін мектебі мұражайы бірлесіп, Ұлы Отан соғысының ардагері Кеңес Одағының Батыры Ахмедияр Дәуленұлы Хұсайновтың жеке тектік құжаттарынан « Жеңіс туын желбіреткен батыр!» атты көрме ұйымдастырды.
Ұлы Отан соғысы кезіндегі жауынгерлік ерліктерін үшін жерлесіміз Ахмедияр Хұсайнов Кеңес Одағының Батыр атағына ие болып, соғыста жарақаттанып, елге оралғаннан кейін еңбек майданында қосқан үлестеріде аз болған жоқ. Өткенін ұмытқан елде болашақ болмайды дейді қазақ даналығы. Сондықтандан да алда 70 жылдығы аталғалы отырған Ұлы Жеңістің қарсаңында майдангерлердің рухына бас ие отырып, батырларымыздың ерлік істеріне тағзым ету.
Көрменің мақсаты: Соғыста ерлік көрсеткен батыр Ахмедияр Хұсайновты құрметтеу, ерліктерін дәріптеп, ардақтап, жаскелен ұрпақтың жадында мәңгі есте сақтау.
БҚО мемлекеттік мұрағаты Жалпақтал филиалында Ұлы Отан соғысы ардагерлерінің құжаттары сақталуда. Солардың бірі Кеңес Одағының Батыры Ахмедияр Дәуленұлы Хұсайнов
Көрмеге батырдың қойылған құжаттары:
- Өмірбаяндары, тууы туралы куәлігі, аттестаты, дипломы, еңбек кітапшасы, әскери билеті, т.б
- Кеңес Одағы Батыр атағын растайтын құжаты, медальдары және олардың куәліктері.
- Құрмет грамоталары, алғыс хаттары мен құттықтаулары.
- Фото суреттері ( соғысқа дейінгі жылдардағы, жеке суреттері, жұмыстағы сәттері, студентік шақтары, отбасылық суреттері т.б )
Батыр ағамыз Ахмедиярдың ерліктерін ешкімде, ешқашан ұмытпақ емес. Ол еліміздің бақыты мен болашағы үшін ерлік көрсетті. Бүгін сол жауынгер, еңбек ардагері батыр ағамыздың рухына бас иіп, еске аламыз.
Көрмеге №№ 340 жеке тектік қор құжаттары пайдаланылды.
Өткен орны: БҚО мемлекеттік мұрағаты, К.Мендалиев атындағы орта жалпы білім беретін мектебінің өлкетану мұражайы.
Жалпақтал ауылы
02.02.2015 жж
Өткен шараның көріністері
Жалпақтал филиалы директоры Ғ.Ш.Едекешев оқушыларды Кеңістік Одағының батыры А.Д.Хусайновтың жеке тектік құжаттарымен таныстыруда
Шараға шақырылған ардагерлер қатысуда
К.Мендалиев атындағы ЖББ мектеп оқушылары қатысуда
