Жеке тектілік құжаттары қабылдауға алынды
Өткен аптада мемлекеттік мұрағат қоймасына атақты Кеңес композиторы, сазгер, ұстаз әрі КСРО халық әртісі Назиб Гаязович Жигановтың жеке тектілік құжаттары ғылыми-техникалық өңдеуден өтіліп, мұрағат қоймасына тұрақты сақтауға алынды.
Назиб Гаязович Жиганов 1911 жылдың 15-ші қаңтарында Орал қаласында Садрижихановтар әулетінде дүниеге келген. Тағдыр оны ерте ата-анасынан ерте айырды. ХХ ғасырдың 20 жылдары балалар үйі ашылғанша үш жетім бала көршілері мен алыс туысқандарының қолында тәрбиеленген. Назиб Гаязовичтың айтуында олар ата-анасынан айырылған соң, Хадиша деген көрші әйелдің тәрбиесінде болған
1918 жылы Орал қаласында Комсомольская көшесі, №50 үйде ашылған балалар үйі Назиб Гаязовичтың алғашқы балар үйі болды. Осы балалар үйіне қабылданған да белгісіз себептермен оның Нәжип деген есімін Назиб, фамилиясын Жиганов деп өзгертеді. Оның музыкаға деген махаббаты осы үйде оянады.
1928 жылға дейін Назиб Гаязовичтың балалық шағымен мен жасөспірім кезі Орал қаласында өтеді, содан осы жылы ол Казань қаласына апасы Фаиздың қолына көшіп келеді. Казань қаласында Назиб Гаязович Татар өнер техникумында оқиды, содан өз күшімен Москваға, консерватория жанындағы техникумның композиторлық бөліміне оқуға түседі. Техникумды бітірген соң, Назиб Гаязович Казань қаласына келіп, театр ашып, алғашқы Татар опера және балет театрының негізін қалайды.
1939 жылы жас сазгер Татар АКРО-ның композиторлар Одағы үкіметінің Төрағасы болып тағайындалады. Осы қызметті ол 1977 жылға дейін атқарады. 1957 жылы композитор КСРО-ның халық әрітісі болады.
1962 жылы жалғыз ұлттық автономия өкілі КСРО композиторлар Одағының хатшысы болады. Назиб Гаязович 1981 жылы Социалистік Еңбек Ері атағын алады.
Назиб Гаязович Жиганов 8 опера, 3 балет, 17 ірі симфониялық шығармалар және көптеген камералық, вокалдық, аспаптық туындылар жазды.Казань консерваториясының ректоры болды.
Композитор үш мәрте КСРО-ның Мемлекеттік сыйлығының лауреаты, екі Ленин орденімен, Еңбек Қызыл белгісі орденімен марапатталған.
Назиб Гаязович 1988 жылы 2 маусымда Казань қаласында өмірден өткен.
Ұлы татар композиторының жеке тектілік құжаттары, мемлекеттік тіркеу куәлігі, жеке карточкасы, музыкалық туындылары, Н.Жиганов туралы естеліктер, мақалалар, афишалар, шақырулар, журналдар, фотосуреттері Батыс Қазақстан облысы мемлекеттік мұрағатының мұрағат қоймасына барлығы 9 сақтау бірлігі, 35 есеп бірлігі және 17 фотосуреттері сақталады.
Мұрағат қоймасының меңгерушісі Ж. Утешова
