Ата-заң халық мүддесін қорғаудағы кепіл
Тәртіпсіз ел болмайды,
Тәртіпке бас иген ел – құл болмайды.
Б.Момышұлы
Қазақстан халқы осыдан 21 жыл бұрын тарихи таңдау жасап, бағыт-бағдарын, жүрер жолын айқындады.
Президентіміз Нұрсұлтан Әбішұлы Назарбаев өзінің бір сөзінде: «Конституция біздің бостандықтарымыздың негізіне айналды. Ол бізге тәуелсіздік алып келген жеңістеріміздің, біздің тапқан табыстарымыздың бүкіл кешенін баянды етті» - деуі Ата Заңның өз нормаларын тиісті деңгейде орындағанын және әлі де орындай беретіндігін көрсетіп отыр.
Ата Заңымызды бұлжытпай орындаудың нәтижесінде Отанымыздың бірлігі нығайып, елдегі тұрақтылық пен татулық орнықты.
Президент Н.Ә.Назарбаев: «біздің Конституцияның бізге берген ең басты құндылығы – таңдау құқығы, басқаша айтқанда, өз өміріңнің қожасы болуы кез келген қазынадан бағалы» дей келе, мемлекеттік биліктің қайнар көзі халықтың өзі екенін айқындады. Осылайша, Ата Заң мемлекетіміздің қуатына айналды. Еліміз Конституция арқылы береке-бірлігі сақталған, татулығы жарасқан, құқықты қоғам орнатуда. Ата Заңның басты жетістіктерінің бірі – адам құқығы еліміздің ең құнды қазынасы екендігінде.
Ата Заңның негізгі маңызын айтатын болсақ, еліміздің әр азаматы өздерінің құқықтары мен мүдделерін қорғау үшін Конституцияда бекітілген нормаларға жүгінеді. Мұрағат құжаттарын пайдалану мәселесінде Конституцияның алар орны ерекше. Өйткені кеңестік дәуірде мұрағат құжаттары алдымен Коммунистік партияның мүддесіне қызмет атқарып, көптеген құжаттар құпия түрде ұсталған еді. Тек кеңестік жүйе ыдырағаннан кейін барлық пайдаланушыларға бірдей қызмет ете бастады.
Қазіргі кезде облыстық мұрағатта 700 мыңға жуық құжаттар сақталуда және жыл сайын мұрағаттың толықтыру көздерінен құжаттар қабылданып, мұрағаттың құжаттар қоры толығу үстінде. Облыстық мұрағаттың толықтыру көзінде тұрған 400 жүзден астам мекемелер мен кәсіпорындармен жұмыстануда. Басты мақсат құжаттардың сақталуын қамтамсыз ету және адамдардың құқықтары мен мудделерін қорғау. Өткен, 2015 жылы жеке және заңды тұлғаларға 7000-ға жуық мемлекеттік қызмет көрсетіп, сұраныстары қанағаттандырылды. Сонымен қатар облыстық мұрағатта қағаз тасығыштағы құжаттарды электронды нұсқаға көшіру бойынша жұмыстар басталып, жалағсын табу үстінде. Әрине, бұл жұмыстардың барлығы мұрағаттық құжаттарды ұлттық құндылық ретінде сақтай отырып, халыққа қызмет жасау. Мұрағат әрдайым да ұлттық қазнаны сақтауға кепіл береді.
Бүгінде облыстық мұрағатта сақтаулы тарихи, мәдени, саяси маңызға ие әрі еркін қол жеткізуге болатын мұрағат құжаттарын кез келген пайдаланушы өз мақсатына ашық пайдалана алады. Тек мемлекеттің аса құпия мағлұматтары бейнеленген құжаттарды оның қауіпсіздігін қорғау мақсатында пайдалануға шек қойылған. Әр азамат мұрағаттан өзін толғандыратын мәселелер бойынша сұрау салуына және мұрағат құжаттарына зерттеулер жүргізу үшін мұрағаттың оқу залына келіп, жұмыс жасауына болады.
Соңғы жылдары іс қағаздарын жүргізу мен мұрағат қызметі едәуір жандана түсті. Көптеген мекемелер, кәсіпорындар құжаттарды ведомствалық сақтау мәселелері бойынша кеңес алуға келушілер қатарының көбеюі, ұйымдардың сараптау қызметінің жолға қойылуы – заң талаптары орындалуының бір көрінісі.
Елбасы: «Кешегі тарихтан тамыр алған, ертеңгі тарихқа тұғыр болған Ата заңымыз салтанат құрып тұрғанда еліміз толағай табыстарға бөлене бермек» - деп айтуы Конституцияның өміршеңдігін айтып отыр.
ҚР Президенті Н.Назарбаев
БҚО мемлекеттік мұрағатының ғылыми-
анықтамалық аппарат және құжаттарды
пайдалану бөлімінің басшысы
С.Семгалиев
