Қ.Н.Қайбалиев туралы мақала (19.02.2015)
БҚО мемлекеттік мұрағаты Жалпақтал филиалында мекеме – ұйымдардан басқа, ауданның белгілі азаматтардың өмірлік деректерін тарихта қалдыру үшін, мұрағатқа қабылданады. Бүгінгі таңда Жалпақтал филиалында 21 белгілі азаматтың құжаттары сақталуда, соның бірі Қайбалиев Қыдырғали Ниетқалиевич. Қ .Қайбалиев туралы «Ұстаздың өмір жолы» атты мақала жергілікті «Ауыл айнасы» басылымында 30.01.2011 жыл №5 (8253) санында жарық көрді, авторы БҚО мемлекеттік мұрағаты, Жалпақтал филиалының директоры: Г.Ш.Едекешев.
Қайбалиев Қыдырғали Ниетқалиевич 1910 жылы 1 маусымда Батыс Қазақстан облысы, Орда ауданы, Бисен ауыл советінде дүниеге келген.
Өз ауылында 1927 жылы 4 класты бітірген. Білімге құштар жас 1927 жылдан 1928 жылға дейін Орда мектебінің дайындық курсында оқыған.
Сонымен қоса жаңа алфавитпен таныстыру курсын бітірген.
1928-1929 жылдары ликбезде және Бисен ауылындағы бастауыш мектепте мұғалім болып жұмыс жасаған.
Ордадағы комсомол штабы жолдауымен Қыдырғали Қайбалиев сауатсыздықты жою және алфавитті үйрету мақсатына орай үш ай ел ішінде жорықта болған.
1929-1932 жылдары Орал облысы, Фурманов ауданы (бұрынғы Сламихин ауданы) Сламихин педтехникумында оқып оны 1933 жылы аяқтап шығады. Ата-анасынан ерте қалып, тұрмыс қиындығын көрсе де өз алды бола білді.
1932-1933 Орал облысы, Фурманов ауданы, Төртпішен селолық советінде қарасты Төртпішен бастауыш мектебінде мұғалім болады.
1933-1934 жылдары Колхозшы жастар мектебінде физика-математика пәнінің мұғалімі болып қызмет атқарады.
1934-1936 жылдары Орал облысы, Жаңақала орта мектебінде оқу ісінің орынбасары әрі физика-математика пәнінің мұғалімі болып қызмет атқарады. Білім қуған жас 1936 жылы Орал педагогикалық институтының жанындағы мұғалімдер институтының 2 курсын сырттай оқып бітіреді.
Қайбалиев Қыдырғали ел басында ең ауыр жылдарда мектеп ұжымдарын басқарған.
1936-1945 жылдары Орал облысы, Фурманов ауданындағы Фурманов орта мектебінде мұғалім, оқу ісінің орынбасары кейінгі үш жылда директоры болып қызмет атқарады.
1945-1946 жылдары Орал облысы Жаңақала ауданы Пятамир ауылы Буденов орта мектебінде директор, 1946-1951 жылдары Орал облысы Фурманов ауданы Таскүтір селолық советіне қарасты Талдықұдық жеті жылдық мектебінде директор болып жұмыс жасайды.
1951-1958 жылдары Фурманов ауданы, Фурманов орта мектебінде физика-математика пәнінің оқытушысы, 1958-1965 жылдары Орал облысы, Фурманов ауданы, Фурманов аудандық білім бөлімінің педагогикалық кабинетінің меңгерушісі болған.
1965 жылдан 1970 жылға дейін зейнеткерлік демалысқа шыққанша Фурманов ауданы, Фурманов орта мектебінде оқытушы болған. Ұлағатты ұстаз зейнеткерлікке шыққаннан кейін де жас ұрпақ тәрбиесіне, қоғамдық өмірде белсене араласты.
Отбасында 5 ұл 1 қыз тәрбиелеп өсірген олардан 9 немере тараған.
Халық ағарту саласында сіңірген еңбегі үшін Қ.Қайбалиев «Құрмет белгісі» орденімен және бірнеше медалдармен марапатталған.
Негіз: Қор-341, Т-1, Іс-1, П-1
БҚО мемлекеттік мұрағаты Жалпақтал филиалының директоры Г.Ш.Едекешев
16.02.2015
