Сырыс филиалында ҚР Президенті Жолдауы талқыланды

2015 жылдың 18 желтоқсанында  БҚО мемлекеттік мұрағаты Сырым филиалында ҚР Президенті Н.Ә.Назарбаевтың 2015 жылдың 30 қарашасында жолдаған Жолдауын ұжыммен талқылау туралы отырыс өтті. Осы отырысқа БҚО мемлекеттік мұрағаты Сырым филиалының ұжымы толықтай қатысты. ҚР Президенті жолдаған жолдау бойынша сөз сөйлегендер: Сырым филиалының директоры А.Шілмұханова, мұрағатшылар Р.Галиаскаров, Б.Джангужиева.

А.Шілмұханова – Елбасы өз Жолдауында әлемде орын алған қиындықтардың бізге де келгенін, одан ең әуелі бірлігімізбен, татулығымызбен шығатынымыз туралы түсіндіріп өтті. Сонымен қатар өзіміздің ішкі ресурстарымызды толық әрі тиімді пайдалану, қазақстандық бизнесмендер мен кәсіпкерлердің еліміздегі өнеркәсіпке инвестиция құйып, оның игілігін халықпен бөлісу туралы айтылған. Және 2016 жылдан бастап бюджет қызметкерлерінің жалақысы, әлеуметтік жәрдемақылар мен шәкіртақы орташа алғанда 30 пайызға дейін көбейетіндігі туралы айтылып өтті.

Р.Галиаскаров – Жаңа жаһандық шындықтың аксиомасы – тек әртарапты экономика ғана жаһандық дағдарыс салдарына қарсы тұра алады. Сондықтан, бізге инвестициялық бағдарлама керек.

Б.Джангужиева – Елбасымыз Қазақстан халқына Жолдауында өзге мәселелермен қатар, жеке және заңды тұлғалар үшін банкроттықтың нақты тетіктерін жасау қажеттігіне де тоқталғандығы туралы айтылды. Оған үрке қарайтындай ешнәрсе жоқ екендігін, Елбасы барынша ашық әрі жеңіл болуы керектігін атап өткендігі туралы түсіндіріп өтті.