Батыс Қазақстан облысының ақпараттандыру, мемлекеттік көрсетілетін қызметтер және архивтер басқармасының Батыс Қазақстан облысының мемлекеттік архивінің сараптау-тексеру комиссиясының кезекті отырысының қорытындысы
2019 жылдың 29-шы қараша күні БҚО ақпараттандыру, мемлекеттік көрсетілетін қызметтер және архивтер басқарма басшысының орынбасары А.С.Ашық төрағалығымен облыстық сараптау-тексеру комиссиясының кезекті отырысы өткізілді.
Комиссия отырысы барысында облыстық мемлекеттік архивтің толықтыру көздерінің өкілдеріне сөз берілді. Баяндамаларда, ұйымдарда іс-жүргізу барысы жөнінде, ведомстволық архивтердің орналасуы мен жай-күйі, құжаттардың қалыптасуы мен сақталуы, және осы бағыттағы жалпы атқарылып жатқан іс-шаралар туралы ақпарат берілді.
Комиссия мүшелері сөйлеушілердің ақпаратын қортындылай келіп, аталған мекеме басшыларына ведомстволық архивтерде архив ісін және іс жүргізуді жетілдіру мәселелеріне ерекше назар бөлуді, мекемелерде сақтауда тұрған құжаттардың есептерін жүргізуді және олардың талапқа сай сақталуын қамтамасыз ету жөнінде ұсыныстар енгізді.
Одан әрі комиссия өз жұмысында БҚО мемлекеттік архиві Жалпақтал филиалының ұсынған құжаттарын қарады. Ол, ғылыми-техникалық өңдеудің қорытындысы бойынша: «Ұлы Отан соғысының ардагері, ІІ-ші дәрежелі «Отан соғысы» орденінің иегері Сағынғали Есмұхановтың жеке тектік құжаттары (1924-1998 жж) келісілді.
Істер номенклатурасының қорытындысы бойынша: БҚО әкімдігі денсаулық сақтау басқармасының шаруашылық жүргізу құқығындағы «Облыстық жедел медициналық жәрдем станциясы» МКК, «Орал көлік прокуратурасы», «БҚО кәсіпкерлік және индустриалдық-инновациялық даму басқармасы» ММ, Орал қаласының дене шынықтыру және спорт бөлімінің «№4 балалар-жасөспірімдер спорт мектебі» МҚКК, БҚО әкімдігі дене шынықтыру және спорт басқармасының «Қысқы спорт түрлері бойынша облыстық балалар-жасөспірімдер спорт мектебі» МКҚК, «№1 олимпиадалық резервтің мамандандырылған балалар мен жасөспірімдер мектебі» МКҚК, «Орал қаласының прокуратурасы», «Орал қаласының №2 соты», БҚО әкімдігі денсаулық сақтау басқармасының шаруашылық жүргізу құқығындағы «№6 қалалық емханасы» МКК, «Сырым аудандық ауруханасы», «Сырым аудандық жұмыспен қамту және әлеуметтік бағдарламалар бөлімі» ММ, «Жалпы білім беретін Ж.Досмұхамедов атындағы орта мектеп-балабақша кешенінің істер номенклатуралары келісілді.
Сонымен қатар, 5 мекеменің сараптау комиссиясы туралы және ведомстволық архиві туралы ережелеріне өз келісімін берді.
Келесі СТК–ның отырысы жұмыс жоспарына сәйкес 2019 жылдың 31 желтоқсанда өтеді.
Ведомстволық архивтермен жұмыс бөлімі
