Батыс Қазақстан облысының ақпараттандыру, мемлекеттік көрсетілетін қызметтер және архивтер басқармасының Батыс Қазақстан облысының мемлекеттік архивінің сараптау-тексеру комиссиясының кезекті отырысының қорытындысы
2019 жылдың 28 маусым күні БҚО ақпараттандыру, мемлекеттік көрсетілетін қызметтер және архивтер басқарма басшысының орынбасары А.С.Ашық төрағалығымен облыстық сараптау-тексеру комиссиясының кезекті отырысы өткізілді.
Комиссия отырысы барысында облыстық мемлекеттік архивтің толықтыру көздерінің өкілдеріне сөз берілді. Баяндамаларда, ұйымдарда іс-жүргізу барысы жөнінде, ведомстволық архивтердің орналасуы мен жай-күйі, құжаттардың қалыптасуы мен сақталуы, және осы бағыттағы жалпы атқарылып жатқан іс-шаралар туралы ақпарат берілді.
Комиссия мүшелері сөйлеушілердің ақпаратын қортындылай келіп, аталған мекеме басшыларына ведомстволық архивтерде архив ісін және іс жүргізуді жетілдіру мәселелеріне ерекше назар бөлуді, мекемелерде сақтауда тұрған құжаттардың есептерін жүргізуді және олардың талапқа сай сақталуын қамтамасыз ету жөнінде ұсыныстар енгізді.
Одан әрі комиссия өз жұмысында облыстың келесі мекемелер мен кәсіпорындары ұсынған құжаттарын қарады. Олар, ғылыми-техникалық өңдеудің қорытындысы бойынша: «Кәсіби әскерилендірілген авариялық құтқару қызметі» ШЖҚ РМҚ Батыс Қазақстан филиалы (2015-2019 жж), БҚО Әділет департаменті Азаматтық хал актілерін тіркеу және апостиль қоюды әдістемелік қамтамасыз ету және бақылау бөлімі (2018ж ), БҚО әкімдігі денсаулық сақтау басқармасының шаруашылық жүргізу құқығындағы «Облыстық стоматологиялық балалар емханасы» (2006-2017ж), БҚО Әділет департаменті (2017-2018жж ), «Карповский Северный» ЖШС (2012-2018 жж), «Шапағат арнаулы әлеуметтік қызмет көрсету орталығы» КММ (2009-2015ж) құжаттары келісілді.
Жетілдіру тізімдемесі бойынша: БҚО Жымпиты ауданы, XXII партьезд атындағы совхозы (1961-1995ж) құжаттары келісілді.
Сақтауға жатпайтын құжаттарды жою бөлу туралы акт бойынша:
Батыс Қазақстан облысының мамандандырылған ауданаралық экономикалық сот (2011-2012ж) құжаттары келісілді.
Сонымен қатар, 2 мекеменің сараптау комиссиясы туралы және ведомстволық архиві туралы ережелеріне өз келісімін берді.
Келесі СТК–ның отырысы жұмыс жоспарына сәйкес 2019 жылдың 31 шілдесінде өтеді.
Ведомстволық архивтермен жұмыс бөлімі
