Батыс Қазақстан облысы мемлекеттік архивінің Сырым филиалында өткен семинар-кеңесі отырысының қорытындысы
«Батыс Қазақстан облысы мәдениет, архивтер және құжаттама басқармасының Батыс Қазақстан облысының мемлекеттік архиві» коммуналдық мемлекеттік мекемесінің ведомстволық архивтермен жұмыс бөлімі арқылы, облыстық архив қорының толықтыру қөзіне енгізілген мекемелердің іс жүргізу және архив ісіне жауапты мамандарына үнемі түрде әдістемелік және тәжірибелік көмек көрсетіліп келеді.
Осыған байланысты, БҚО мемлекеттік архивінің жұмыс жоспарына сәйкес, 2017 жылдың 23 қараша күні «БҚО мемлекеттік архиві КММ» директорының міндетін атқарушы М.С.Нұрмақовтың төрағалығымен Сырым аудандық филиалының мамандарына, филиалдың толықтыру көзіне енгізілген мекемелермен кәсіпорындардың жауапты қызметкерлеріне семинар-кеңес өткізілді.
Жергілікті жерде орналасқан Сырым филиалына 64 мекеме мен кәсіпорын толықтыру көзі тізіміне енгізілген, аталған ұйымдардың іс-жүргізу және архив саласына жауапты мамандары семинар-кеңеске қатынасты, атап өтетін болсақ, білім, денсаулық, әлеуметтік, ауыл шаруашылығы, ауылдық округтер, қоғамдық ұйымдар жалпы әр-түрлі салалар бойынша қызмет атқаратын мекемелердегі іс жүргізудің, ведомстволық архивтің қалай жасақталуы, архив ісінің ұйымдастырылуы және істер номенклатурасын жасақтау тәртібі жөнінде түсіндіру жұмыстары жүргізілді.
Әдістемелік көмек келесі реттік бойынша жүргізілді, алдымен қабылданған мемлекеттік архивтің қолданыстағы нормативтік құқықтық актілермен таныстыру, осы заңнамалық актінің негізгі мазмұны ашылып түсіндірілді, және оның қай салада қолдануға болатынын айта тұрып іс жүргізу жүйесіне дұрыс енгізу бағыттары көрсетілді, содан соң тәжирибелік көмек көрсету бойынша дұрыс толтырылған типтік құжаттардың нұсқаларымен таныстырылды, атап айтқанда мекемелер мен ұйымдардағы сараптау комиссиясы туралы және ведомстволық архивтер туралы ережелер, тұрақты және жеке құрам бойынша толтырылған тізімдемелер, сақтау мерзімі өткен құжаттарды жою туралы акті, және үлгілік ретінде құрастырылған істер номенклатурасы.
Семинар-кеңес отырысы барысында мекеме өкілдері ведомстволық архив жөніндегі туындаған мәселелері бойынша сұрақтарына жауап алды.
Ведомстволық архивтермен
жұмыс бөлімінің архивисті
Қ.Шайхиев
