2015 жылдың 13 қарашасында өткен семинар-кеңес туралы

2015 жылдың 13 қараша күні Батыс Қазақстан облысының мәдениет, мұрағаттар және құжаттама басқармасы «БҚО мемлекеттік мұрағаты» КММ директоры А.Н.Савгабаеваның төрағалығымен мәдениет саласына қатынасты ұйымдар мен кәсіпорындар қызметкерлеріне арнайы «Іс-жүргізу және мұрағат ісі туралы» семинар-кеңес ұйымдастырылып өткізілді.

Семинарға жалпы басқармаға қатынасты барлық 15 мекеменің мекеме басшыларының орынбасарлары, іс-жүргізушілер және кадр мамандары қатынасты.

Семинар-кеңестің жоспары бойынша үш мәселе қаралып талқыланды.

Олар, ҚР Мәдениет және спорт министрінің 2014 жылғы 22 желтоқсандағы  №144 бұйрығымен бекітілген  Мемлекеттік және мемлекеттік емес ұйымдарда құжаттама жасаудың және құжаттаманы басқарудың үлгілік қағидалары ( іс жүргізу, құжаттама және құжаттаманы басқару) туралы мұрағаттың мұрағат қоймасы бөлімінің басшысы Ж.Т. Өтешова баяндама жасап, аталған тақырып бойынша түсініктемелер берді, келесі мәселе бойынша ҚР Мәдениет және спорт министрінің 2014 жылғы 22 желтоқсандағы  №144, 146 бұйрығымен бекітілген  Мемлекеттік және мемлекеттік емес ұйымдарда істер номенклатурасын жасақтау тәртібі туралы мұрағаттың ведомстволық мұрағаттармен жұмыс бөлімінің мұрағатшысы А.Ғ.Наурызғалиева түсіндірді және ҚР  Мәдениет және спорт министрінің 2014 жылғы 22 желтоқсандағы   №145 бұйрығымен бекітілген қағидаларын орындау барысында ұйымдарда ведомстволық мұрағатты ұйымдастыру туралы мұрағаттың ведомстволық мұрағаттармен жұмыс бөлімінің басшысы М.Т.Мұқанов түсініктеме беріп, қажеттілігі туралы айтып берді.

Сондай ақ, семинар-кеңес отырысы барысында мекеме өкілдері іс-жүргізу және ведомстволық мұрағат жөніндегі туындаған мәселелері бойынша сұрақтарына жауап алды.