2014 жылдың 23 сәуірінде өткен семинар-кеңес туралы

Тақырыбы: Облыстың экономика және бюджеттік  жоспарлау   мен  қаржы саласы  мекемелерінде және екінші деңгейлі банктерде іс жүргізу мен мұрағат жұмыстарын жетілдіру жолдары.

 Өткен күні:    2014 жылғы  23 сәуір.

 Бағдарламасы: 

№	Атауы	Уақыты	Жауаптылар
1	Семинар-кеңесті  ашу	10.00-10.05	А.Т.Гиляжева
2	Облыстың экономика және бюджеттік  жоспарлау   мен  қаржы саласы  мекемелерінде және екінші деңгейлі банктерде іс жүргізу мен мұрағат жұмыстарының жағдайы туралы	10.05-10.30	А.Савгабаева
3	Іс қағаздар жүргізудің ұйымдастырылуы	10.30-11.00	Ж.Утешова
4	Мекемеде мұрағат ісінің ұйымдастырылуы	11.00-11.30	С.Семгалиев
5	Қорытынды	11.30-12.00	А.Савгабаева

Қатысқандар: БҚО экономика  және бюджеттік  жоспарлау  басқармасының, Орал қаласының  экономика және  бюджеттік  жоспарлау  бөлімінің, «Қазақстан Халық жинақ банкі» АҚ-ның, "ҚР Тұрғын үй құрылыс жинақ банкі" АҚ БҚФ-ның, «Каспий банк» АҚ ОҚФ-ның, «БТА Банк» АҚ БҚФ-ның, «Цесна банк» АҚ БҚФ-ның, «Темірбанк» АҚ ОҚФ-ның, «Ресей Жинақ банкі» БҚФ-ның, "БанкЦентрКредит" АҚ ОҚФ-ның, «Нұрбанк» АҚ ОҚФ-ның, "АТФ Банк" АҚ БҚФ-ның, «ҚР Ұлттық банкі» РММ БҚФ-ның ведомстволық мұрағат қызметкерлері мен іс жүргізушілері.

Мұрағат директоры А.Н.Савгабаеваның доклады:

Облыстың  екінші деңгейлі банктері мен экономика және бюджеттік жоспарлау  саласындағы  мекемелерінің  жұмыс нәтижелері туралы қорытынды

Облысымыздың  екінші  деңгейлі  банктері, облысымыздың  экономика және бюджеттік жоспарлау  саласындағы  мекемелері   Ұлттық мұрағат қорының  толықтыру  көзі болып табылады. Батыс Қазақстан  мемлекеттік  мұрағаты  екінші деңгейлі банктермен  келісім-шартқа отырып, бірлесе жұмыстанады.

Батыс Қазақстан облысының  экономика және бюджеттік  жоспарлау  басқармасының   2014 жылға  арналған  істер номенклатурасы және сараптау комиссиясы, ведомстволық  мұрағат ережелері  СТК  келісілді. Мекеменің 2004-2008 жылдар  аралығындағы  ведомстволық  мұрағат  құжаттарына  2012 жылы ҒТӨ жүргізілген.  Алайда, 2004-2008 жылдар аралығындағы  өңдеуден  өткен  құжаттардың  тізімдемелері  болғанымен, олардың  бумалары табылмай отыр. Сондықтан  тізімдемелер  бойынша  құжаттарды  тауып, қайта  бума  жасау  жұмыстары  жүргізілу керек.  Мекеме ҚР Үкіметінің  2011 жылғы  26  желтоқсандағы №1604 «Ұлттық мұрағат қорының құжаттарын, басқа да мұрағат құжаттарын мемлекеттік және арнаулы мемлекеттік мұрағаттардың толықтыруы, сақтауы, есепке алуы мен пайдалануы қағидаларын бекіту туралы» Қаулысына  сәйкес  2009-2013 жылдар  аралығындағы ведомстволық  мұрағат  құжаттарына  ҒТӨ  өткізу  қажет. Мұрағат  қоймасы  жабдықталуда.

Орал қаласының  экономика  және  бюджеттік  жоспарлау  бөлімі  2013 жылдың  жылдық  жоспарына  сәйкес  2004-2009 жылдар  аралығындағы   ведомстволық  мұрағат  құжаттарын 2012 жылғы  істер  номенклатурасы  бойынша  ҒТӨ өткізу  қажет  болатын, бірақ   құжаттарды  өңдеу  жұмыстары  күні  бүгінге  дейін  аяқталмай  отыр. Мұрағат  қоймасы  жоқ,  құжаттар  шкафтарда  сақталады.  Істер  номенклатурасы, СК ережесі   2012 жылы  СТК  хаттамасымен  келісілген. 

Батыс  Қазақстан  облысының   он бір екінші  деңгейлі  банк  филиалдарына  да  әдістемелік  көмек көрсетіп  отырамыз. Банк филиалдары істер  номенклатурасын  жасауда «Сақтау мерзімдерін көрсете отырып, екінші деңгейлік банктердің қызметінде жасалатын үлгілік құжаттар тізбесін» басшылыққа алады. Банк  филиалдарының  барлығында  мұрағат  қоймалары бар.   ҚР Үкіметінің  2011 жылғы  22  желтоқсандағы №1583 «Ұлттық мұрағат қорының құжаттарын және басқа да мұрағат құжаттарын ведомстволық және жеке мұрағаттардың қабылдауы, сақтауы, есепке алуы мен пайдалануы  қағидалары  бекіту  туралы» қаулысы  мен ҚР Үкіметінің  2011 жылғы  26  желтоқсандағы №1604 «Ұлттық мұрағат қорының құжаттарын, басқа да мұрағат құжаттарын мемлекеттік және арнаулы мемлекеттік мұрағаттардың толықтыруы, сақтауы, есепке алуы мен пайдалануы қағидаларын бекіту туралы» қаулыларына  сәйкес  мекемелер мен  ұйымдар  жыл  сайын  ведомстволық  мұрағат  құжаттарына  өңдеу  жүргізу  керек. Осы  орайда,  банк  филиалдарының  бірқатары  ведомстволық  мұрағат  құжаттарына  ҒТӨ  жұмыстарын  мүлде  жүргізбесе, кейбіреуі  көп  жылдар бойы  өткізбеген. Атап  айтсақ, «Альянс Банк» АҚ ОҚФ –ы, «АТФ» АҚ ОҚФ – ы,

 «Ресей жинақ банкі» АҚ ЕБ ОҚФ –ы, «Цеснабанк» АҚ БҚФ – ның  құжаттарына  мүлде  ҒТӨ  жүргізілмеген.  

«БТА Банк» АҚ БҚФ  -ы  мен  «Цеснабанк» АҚ БҚФ-ының   істер  номенклатурасы  2008 жылдан  бері  жаңартылмаған, 2013 жылдың  жылдық  жоспарына  енгізілген, бірақ   істер  номенклатурасы  күні  бүгінге  дейін  жасақталмай  отыр.   

 Ағымдағы  жылы  Батыс  Қазақстан  облысы  мемлекеттік  мұрағатының  2014 жылға арналған  жұмыс  жоспарына  сәйкес  «Қазақстан Халық Банкі» АҚ БҚОФ –ның, «Банк Центр Кредит» АҚ  БҚФ-ның   2014 жылға  арналған  істер номенклатурасы   СТК –на  ұсынылып, келісілді. Сонымен  қатар, «Қазақстан Халық Банкі» АҚ БҚОФ – ы, «Ресей жинақ банкі» АҚ ЕБ ОҚФ – ы, «Альянс Банк» АҚ ОҚФ –ы, «АТФ Банк» АҚ ОҚФ – ның  ведомстволық  мұрағат  құжаттарына ҒТӨ  өткізіледі.

Батыс  Қазақстан  облысы  мемлекеттік  мұрағаты  ҚР Үкіметінің 2011 жылғы  үлгілік  қағидаларын  басшылыққа  ала  отырып,  барлық  мекемелерге  қағидаларда  көрсетілген  талаптарға  сәйкес  жұмыстануды  ұсынады.