2013 жылғы 21 қарашада өткен семинар-кеңес туралы

Тақырыбы: Батыс Қазақстан облысының денсаулық сақтау саласындағы мекемелерде іс жүргізу мен мұрағат жұмыстарын жетілдіру жолдары.

Өткен күні: 2013 жылғы 21 қараша.

Бағдарламасы:

№	Атауы	Уақыты	Жауаптылар
1	Семинар-кеңесті ашу	10.00	А.Н.Савгабаева
2	Іс қағаздар жүргізудің ұйымдастырылуы	11.00	Ж.Утешова
	Түс мезгілі	13.00
3	Мекемеде мұрағат ісінің ұйымдастырылуы	14.00	С.Семгалиев
4	Істер номенклатурасын жасақтау тәртібі	15.00	А.Искакова
5	Қорытынды	17.00	А.Н.Савгабаева

Қатысқандар: №1 қалалық емхана, №2 қалалық емхана, №3 қалалық емхана, №4 қалалық емхана, №5 қалалық емхана, Облыстық туберкулезге қарсы диспансері, Облыстық «Ивушка» балалар туберкулез санаторийі, Облыстық кардиологиялық орталық, Облыстық клиникалық аурухана, «Орал» ауданаралық туберкулезге қарсы ауруханасы, Облыстық онкологиялық диспансері, Облыстық наркологиялық диспансері, Қалалық жедел медициналық жәрдем станциясы қызметкерлері.

Мұрағат директоры А.Савгабаеваның кіріспе сөзі:

Құрметті әріптестер!

Баршаңызды бүгінгі семинар-кеңесте көруге өте қуаныштымын. Семинар-кеңесте қатысушыларға нәтижелі жұмыс және творчестволық табыс тілей отырып, қаралатын мәселелер жұмыста алға қадам басуымызға өз әсерін тигізеді деп сенгім келеді.

2011 жылдың 2 жартысында Денсаулық саласы мекемелерінің іс жүргізуі мен құжаттарды сақтаудың жай-күйіне тексеру жүмыстары жүргізілген болатын.

Тексеріс ҚР Ақпарат және байланыс министрлігінің № 200 11.07.2011 жылы бекітілген бұйрығына сәйкес және Батыс Қазақстан облысының мұрағаттар және құжаттама басқармасының жоспары негізінде жүргізілді.

Денсаулық саласы мекемелерінің құжат айналымын ұйымдастыру және құжаттардың сақталуы орташа деңгейде. Біздің ойымызша мұндай жағдай аталған мәселелерге көп назар аударылмауы, қызметкерлердің жетіспеушілігі құжаттармен белгілі бір мақсатта жоспарлы түрде жұмыс жасауға кедергі жасайды.

Жоғарыда айтылғандай, кемшіліктер мониторингі бойынша тәуекел деңгейін бағалауға арналған критериялардың төмендегіше бұзылуы көптеп кездеседі:

- құжаттарды дайындауды ұйымдастыруға қойылатын талаптардың бұзылуы – 50,9 пайыз;

- құжат айналымдарын ұйымдастыруға қойылатын талаптардың бұзылуы – 27,5 пайыз;

- ҚР-ның ҰМҚ уақытша сақталатын құжаттардың ведомстволық мұрағатта сақтаудың мерзімдері мен оларды мемлекеттік мұрағатқа тапсыру тәртібінің бұзылуы – 31,4 пайыз;

- ҰМҚ-ы және жеке құрам бойынша құжаттардың есепке алынбауы- 31, 4 пайыз;

- Ведомстволық мұрағаттағы ҚР ҰМҚ-ы және жеке құрам жөніндегі құжаттарының ғылыми-техникалық аппаратының жоқ болуы-19,6 пайыз көлемінде;

- Физикалық және химиялы-техникалық жағдайларының есепке алынбауы-23,5 пайыз көлемінде.

Тексеріс барысында бүгінгі семинарға қатысып отырған мекемелердің ішінен Денсаулық сақтау басқармасы, Қалалық жедел жәрдем, Облыстық наркологиялық диспансер, №2 қалалық емхана мекемелерін орта тәуекел тобына жатқызылды. «Орал» ауданаралық туберкулезге қарсы ауруханасын шағын тәуекел тобына жатқызылды.

Мемлекеттік емдеу мекемелері жеке емдеу мекемелеріне қарағанда мұрағат ісінің бір жолға қойылмағандығын айтып кету қажет.

Мысалы: «Талап» АҚ, «ЖайықДент»ЖШС мекемелері мемлекеттік мекемелердең озық тұр. Құжат айналымы бір жолға қойылған, арнайы мұрағатшылары бар, істер номенклатурасын және ҒТӨ уақытында жасап тұрады, мұрағат қоймалары талапқа сай жасақталған. Мұрағатшылары мұрағатқа қатысты ережелерді жақсы біледі және тәлімгерлердең өзгерістерді сұрап тұрады.

Мемлекеттік емдеу мекемелерінде керісінше.

Мекеме қызметкерлерінің деңгейін көтеру үшін бүгінгі семинарды өткізіп отырған жаймыз бар. Әрине барлығы жаман деуге болмайды бүгінгі семинарға қатысып отырған мекемелердің ішінен №1 қалалық емхана, Жедел жәрдем станциялары, «Орал» ауданаралық туберкулезге қарсы ауруханасы» мекемелерінің мұрағатқа қатысты жұмыстары бір ізділікке салынып келе жатқаны байқалады.

Айта кетейік бүгінгі семинарға қатысып отырған мекемелерде 1941-2008 жж. аралығында ҒТӨ жасалған және СТК келісілген.

№ 1583 «Ұлттық мұрағат қорының құжаттарын және басқа да мұрағат құжаттарын ведомстволық және жеке мұрағаттардың қабылдауы, сақтауы, есепке алуы мен пайдалануы қағидаларын бекіту туралы» қаулысына сәйкес әрбір 5 жылда ҒТӨ жасалу керек. Мүлдем ҒТӨ №2 1985 жыл және №3 1989 жыл қалалық емханаларында жасалмаған. 2011 жылдағы тексерістен кейін «Орал» ауданаралық туберкулезге қарсы ауруханасы», Жедел жәрдем станциялары ҒТӨ жасаған.

№ 1583 қаулыға сәйкес №1, 2, 3, 4 қалалық емханалар, БҚО Денсаулық басқармасы, Облыстық клиникалық ауруханасы, «Ивушка» облыстық балалар туберкулез санаторийі», «Облыстық кардиологиялық орталығы», «Облыстық онкологиялық диспансері», «Облыстық наркологиялық диспансері» мекемелері 2014 жылы ҒТӨ жасау керек.

Істер номенклатурасына келсек ҚР Үкіметінің 2011 жылғы 21 желтоқсандағы № 1605 «Сақтау мерзімдерін көрсете отырып, мемлекеттік және мемлекеттік емес ұйымдар қызметінде жасалатын үлгілік құжаттар тізбесі» қаулысы бекітілген болатын осы қаулыға сәйкес жаңадан істер номенклатурасын жасаған мекемелер тек №1және №5 қалалық емхана, Облыстық кардиологиялық орталығы, Онкологиялық, Наркологиялық диспансерлері, Жедел жәрдем станциясы.

Қалған мекемелерде істер номенклатурасын қайтадан жасақтау қажет.

Құрметті әріптестер, бұл семинар –кеңеске сіздерді жинауымыздың мақсаты денсаулық саласы мекемелері қызметкерлеріне құжаттама жүргізу, ведомстволық мұрағаттың жұмысы бойынша негізгі қағидаларды айта кетіп, әдістемелік көмек көрсету болып табылады.

Сіздердің тарапыңыздан керекті шаралардың барлығы уақытылы өткізіліп, іс жүргізу және мұрағат ісі мәселелері тиісті жолға қойылады деген сенім білдіргім келеді.

Қазір семинар-кеңестің бағдарламасымен белгіленген мәселелерге көшуді ұсынамын.

Осы семинарда оқылған лекциялардың мәтіні қосымша біздің сайттың «Шаралар» тарауының «Лекциялар» бөлімінде орналасқан.