«Ұлт көшбасшысы: кеше, бүгін, ертең» интеллектуалды турнирі өтті

2015 жылғы 30 қараша күні Батыс Қазақстан облысы мемлекеттік мұрағатының оқу залында мұрағат бөлімдерінің арасында «Ұлт көшбасшысы: кеше, бүгін, ертең» атты интеллектуалды турнир өткізілді. Аталмыш іс-шара 1-ші желтоқсан «Қазақстан Республикасының тұңғыш Президенті» күніне арналды.

Турнир мұрағат қызметкерлерінің Президент туралы танымдық қабілеттерін қалыптастыру, азаматтылық пен қазақстандық патриотизмді дамыту, еліміздің жетістіктері мен табыстарын бағалау, Елбасының ерен еңбектерін насихаттау, туған елдің тарихы мен мәдениетін оқуға деген құлшыныстарын арттыру мақсатында өткізілді.

Бұл іс-шараға мұрағат бөлімдері қатысты. Турнир бағдарламасы үш кезеңнен тұрды.

1-ші "Тарихи блиц" кезеңінде қазақ тарихындағы елеулі даталарға байланысты сұрақтар қойылды.

2-ші "Тұлғаны таны" кезеңінде тарихи тұлғалардың өмірі мен еңбек жолынан қысқаша мәлімет берілді.

3-ші "Тұңғыш Президент" кезеңінде Елбасы және тәуелсіз Қазақстан туралы сөзжұмбақ ұсынылды.

«Ұлт көшбасшысы: кеше, бүгін, ертең» интеллектуалды турнирінің қорытындысы бойынша І-ші орынды ведомстволық мұрағаттармен жұмыс бөлімі жеңіп алды. Ал ІІ-ші орынды ғылыми-анықтамалық аппараты және құжаттарды пайдалану бөлімі иеленсе, ІІІ-ші орынды мұрағат қоймасы қанағат тұтты.

«Ең белсенді топ» номинациясын зерттеушілермен жұмыс және ақпараттық технологиялар бөлімі алса, «Ең әдемі топ» номинациясына әкімшілік бөлімі ие болды.

Мұрағат ұжымына жарысқа қатысып, белсенділік танытқаны үшін алғыс айтылды. Жүлдегерлер Батыс Қазақстан облысы мемлекеттік мұрағатының мадақтау қағазымен марапатталды.