ХҚО дөңгелек үстел өтті

2015 жылдың 19 наурызында сағат 16.00-де «Халыққа қызмет көрсету орталығы» РМК БҚО бойынша филиалының ғимаратында «ХҚКО арқылы «Мұрағаттық анықтамалар беру» мемлекеттік қызмет көрсетуді жетілдіру және жақсарту жолдары» тақырыбына арналған «дөңгелек үстелдің» кезекті алмастырылған отырысы өтті. «БҚО мәдениет, мұрағаттар және құжаттама басқармасының Батыс Қазақстан облысының мемлекеттік мұрағаты» КММ тарапынан директоры А.Н. Савгабаева, зерттеушілермен жұмыс және ақпараттық технологиялар бөлімінің бастығы А.Ә. Искакова, ғылыми-анықтамалық аппараты және құжаттарды пайдалану бөлімінің мұрағатшысы З.Б. Мамедова қатысты.

Күн тәртібінде келесі сұрақтар талқыланды: 1) ХҚКО арқылы «Мұрағаттық анықтамалар беру» мемлекеттік қызмет көрсетудің сапасын жақсартуы - қызмет көрсетудің тәртібі және өтініштерді толтыру рәсімі. 2) ХҚКО қызметкерлерін Батыс Қазақстан облысының Мемлекеттік мұрағат сайтымен таныстыру.

Бірінші сұрақ бойынша отырысының төрағасы - «ХҚКО» РМК БҚО бойынша филиалы ұйымдастыру жұмыстары бойынша орынбасары                       Ж.С. Батаргалиева сөйледі, ал зерттеушілермен жұмыс және ақпараттық технологиялар бөлімінің бастығы А.Ә. Искакова ХҚКО қызметкерлерін БҚО Мемлекеттік мұрағат сайтымен таныстырды.

Отырыстың соңында екі жақтар келесі келісімге келді: 26.03.2015 жылдан бастап өтініштер ХҚКО Орал қ. бөлімінде кеңес аймағында жаңа үлгілер бойынша қабылдап алынады; азаматтарға кеңес бергенде  ХҚКО қызметкерлер БҚО Мемлекеттік мұрағат сайтының деректерін басшылыққа алады.

Отырыстың аяқталуында екі жақтық хаттамасына қол қойылды.

           ҒАА және құжаттарды пайдалану бөлімінің мұрағатшы З. Мамедова

26.03.2015