СОЦИАЛИСТІК ЕҢБЕК ЕРІ КЕНЖЕ ҚҰРМАШЕВТЫҢ ТУҒАНЫНА 125 ЖЫЛ!

    Сіздердің назарларыңызға, Кенже Құрмашевтың 125 жылдық мерейтойына арналған оның өмірі мен еңбек жолына байланысты құжаттардың электрондық көрмесін ұсынамыз.

      Кенже Құрмашев 1898 жылы Бөкейорда ауданы аумағында малшы отбасында дүниеге келген. Қазақ ССР Батыс Қазақстан облысы Үрді ауданы, Карл Маркс атындағы колхоздың аға малшысы. Ауыл шаруашылығын ұжымдастыруға дейін жалдамалы жұмыс істеп, әкесіне бай жылқысын бағуға көмектескен.

         1933 жылы өзі ұйымдастырған жергілікші ауылшаруашылық артеліне кірді. Кейін ол Карл Маркс атындағы колхоздың өзегіне айналды.

Тәжірибелі тұқым қуалайтын мал өсіруші Кенже Құрмашев қоғамдық жылқыларды бағуды қолға алып, отарда алғашында 38 бас болса, соғыс басталған жылдары саны екі есеге өсті.

    Ұлы Отан соғысы жылдарында Кенже Құрмашевтың табынынан ондаған іріктелген жылқылар Қызыл Армия қатарына алынып, фашистік басқыншылардан азат етілген аудандарға жөнелтілді. Соғыстан кейінгі 4-бесжылдықтың алғашқы жылдарында (1946-1950) колхоздың жылқы қорын көбейтуді жалғастырып, 1947 жылы 52 биеден 52 құлынды табынға өсірді.

         Ол бала кезінде-ақ даладағы жылқыға кетіп бара жатқан әкесіне мені ала кетші деп соңынан қалмайтын еді.

       Атқа мінуді ерте үйренген ол әкесіне ерте қолғабыс беріп, қолғанат болды, көп ұзамай өз бетімен жылқы бағуға кірісті. Ұзақ жыл байдың жылқысын бақты, бірақ өзіне бір ат та сатып ала алмады. Сараң бай оған жалақы төлемеді.

         Жалшы Кенженің өмірі Кеңес өкіметі келісімен күрт өзгерді. Бақытқа даңғыл жол ашылады.

        Ауыл жарлыларының басын біріктіріп, ұжымдық шаруашылыққа бірігуге Кенже ең алдымен үн қатты.

        Кенже қабылдап алған кезде барлығы 38 ғана жылқы болса, ол бес жылдан соң үш есе көбейді.

    Ұлы Отан соғысы жылдарында К.Құрмашевтің бағымынан шыққан белді аттар әскери мұқтаждықты өтеуге жіберілді. Оның біліктілігі, әсіресе, соғыстын соңғы жылдары еселене түсті.

       КСРО Жоғарғы Кеңесі Президиумының 1948 жылғы 23 шілдедегі Жарлығымен 1947 жылы мал шаруашылығының жоғары өнімділігіне қол жеткізгені үшін Құрмашев Кенжеге Ленин орденімен Социалистік Еңбек Ері атағы және «Орақ пен Балға» алтын медалі берілді. Сол Жарлықпен Социалистік Еңбек Ері атағын алған Қабден Темірғалиевтің тәлімгері болды.

1948 жылы Кенже Құрмашев отарындағы 70 биеден 70 құлын өсірілді. Ленин орденімен және медальдармен марапатталған.

        Қазіргі таңда Ақжайық ауданы, Қырыққұдық ауылында Кенже Құрмашевтың атына көше берілген.

 

Көрменің негізгі мақсаты: Социалистік Еңбек ері атағына ие болған Кенже Құрмашевтың туғанына 125 жыл толуына орай өмірбаяны мен еңбек жолын оқырман қауымға таныстыру.

 

- өлке тарихын зерттеудің дереккөзі ретінде архивтік құжаттарды ұсыну;

- Жерлесіміз К.Құрмашевтың өмірбаянымен таныстыру;

- өлке тарихына құрмет сезімін қалыптастыру.