ҰЛЫ ОТАН СОҒЫСЫНЫҢ АРДАГЕРІ, КЕҢЕС ОДАҒЫНЫҢ БАТЫРЫ АХМИРОВ ҚАСЫМ ШАБАНҰЛЫНЫҢ ТУҒАНЫНА 100 ЖЫЛ!

       Ұлы Отан соғысының ардагері, Кеңес Одағының батыры Ахмиров Қасым Шабанұлының туғанына 100 жыл толу құрметіне сізге оның өмірі мен қызметіне қатысты құжаттардың электрондық көрмесін ұсынамыз.

        Ахмиров Қасым Шабанұлы 1923 жылы шаруа отбасында, Саратов облысы Дергачи ауданы Алтаты ауыл-кеңесінде дүниеге келген, ұлты татар.

        1937 жылы ата-анасымен бірге Батыс Қазақстан облы­сы Зеленов ауданының «Краснов» кеңшарына көшіп келеді. Кеңшарда есепші, май құюшы, трак­торшы болып еңбек етеді.

        1934 жылы отбасымен Қазақстанға, Приуральский ауданына, №62 Красновский ет совхозына көшіп, орыс мектебінде оқыған.

        Білімі толық емес орта. 1941 жылы 7 сынып бітірген.

       Трактор жүргізушісі болып оқыған, есепші болып, аға май құюшы болып жұмыс істеген. Жұмысын жақсы жасаған.

     1941 жылы Қызыл Армия қатарына шақыртылды. 1942 жылдың 15 сәуірінен бастап 1942 жылдың 1 шілдесіне дейін Воронеж майданының кіші лейтенанты курстарында оқыды. 1942 жылдың 1 шілдесінде атқыштар взводының командирі болды.

     Шумаково ауылы үшін шайқаста, атқыштар ротасының командирі қайтыс болды, кіші лейтенант Ахмиров ротаны басқарды, шабылдауға жауынгерлерді көтеріп, құрметпен жауынгерлік миссияны аяқтады.

      1943 жылы күзде Орталық майданның әскерлері Гомель және Киев бағытында шабуылға кірісті. Марков, Урусов, Колопеж деревня­ла­ры үшін болған ұрыстарда Ахмиров­тың взводы жауды өкшелей қуып, елді мекендерге алғашқылардың бірі болып басып кірді. 383-атқыштар полкінің 4-ротасының (121-Рыльск атқыштар дивизиясы, 60-армия) взвод командирі, кіші лейтенант Қасым Ахмиров Конотоп қаласының шы­ғыс жағында болған ұрыстарда айрықша көзге түсті. 1970 жылғы қазанның 4-інде оның взводы жауып тұр­ған оққа қарамастан қарағайларды, бөшкелерді, бөренелерді қалқыма құрал ретінде пайдаланып, Сейм өзенінен қас-қағымда өте шығады. Сол бойда Чумаков хуторына басып кіріп, ондағы жаудың атыс ұяларын гранаталармен құртып, 85 солдатты жер жастандырады.

      Осы ұрыста командир Ахмировтің өзі автоматы­мен біраз фашисті тікелей атып, көзін құртты. Сәлден кейін есін жиған фашистер үш мәрте қарсы шабуылға шығып, батальонды толықтай қоршап алады. Жағдай сәт санап қиындап бара жатты. Кеңес жауынгерлері жатқан тұсқа артилле­рия снарядтары жауып, батальон, рота командирлері оққа ұшты, жауынгерлердің қатары да сиреді, оқ-дәрі таусылды. Ахмиров осындай қиын сәтте ротаны басқару­ды өз мойнына алып, жаудың қоршауын бұзып шығу үшін жауынгерлер­ді ша­буылға көтерді. Әуелі граната лақ­тырып, кейін жаумен қолма-қол айқас­қан рота қоршауды бұзып шығып, жаңа шепке бекініп алды. Осынау ауыр ұрыста ерлік пен табандылық көрсетіп, жауынгерлерін аман алып қалған Қасым Ахмировке 1943 жылы қазанның 17-сінде Кеңес Одағының Батыры атағы берілді. Аға лейтенант Ахмиров жеңісті Берлинде қарсы алды. Ленин, Қызыл Ту, І дәрежелі Ұлы Отан соғысы ордендерімен және медальдармен наградталған.

    Ленин ордені, Кеңес Одағының батыры, «Алтын жұлдыз» медалі, Ұлы Отан соғысының бірінші дәрежелі ордені, Прага қаласын азат ету медалі, Берлинді алғаны үшін медаль, Германияны жеңгені үшін медальмен марапатталды.

      Қасым Шабанұлы 1951 жылы Амур облысы Белогорскіде өз міндетін атқару кезінде қайтыс болды.

Қазіргі таңда Батыс Қазақстан облысы, Бәйтерек ауданы, Бейбітшілік а.о., Бейбітшілік көшесі, 18-де орналасқан «Қасым Ахмиров атындағы мектеп бөбекжай-балабақша» кешені, сонымен қатар, Орал қаласында Жаханша Досмұхамедов пен Кайрат Жұмағалиев көшелерінің аралығында Қасым Ахмиров көшесі орналасқан.

Көрменің негізгі мақсаты Ұлы Отан соғысының ардагері, Кеңес Одағының батыры Қасым Шабанұлы Ахмировтың туғанына 100 жыл толуына орай өмірбаяны мен еңбек жолын оқырман қауымға таныстыру.

- өлке тарихын зерттеудің дереккөзі ретінде архивтік құжаттарды ұсыну;

- Жерлесіміз Қ.Ш.Ахмировтың өмірбаянымен таныстыру;

- өлке тарихына құрмет сезімін қалыптастыру.

 

 

Ахмиров Қасымның фотосуреті

Көшірме. БҚО МА. 39-қор, 1-тізімдеме, 3-іс.

 

 

Ахмиров Қасымның өмірбаяны

Көшірме. БҚО МА. 39-қор, 1-тізімдеме, 3-іс.

 

 

 

Ахмиров Қасымның марапаттар тізімі

Көшірме. БҚО МА. 39-қор, 1-тізімдеме, 3-іс.