Еңбек ері, еңбек сіңірген мәдениет қайраткері Наурызғали Сдыкұлы Сдыковтың туғанына 90 жыл толуына арналған виртуалды көрме

Еңбек ардагері, мәдениет саласының еңбек сіңірген қызметкері Наурызғали Сдыкұлы Сдыковтың туғанына 90 жыл толу құрметіне орай Сіздерге оның өмірі мен қызметіне қатысты құжаттардың электрондық көрмесін ұсынамыз.

Осы көрмені дайындау барысында негізгі дереккөз ретінде «Батыс Қазақстан облысының мемлекеттік архиві» КММ-дегі №-454 қорындағы Наурызғали Сдыкұлы Сдыковтың жеке ісіндегі құжаттары пайдаланылды.

Көрменің негізгі мақсаты: Мәдениет саласының еңбек сіңірген қызметкері Наурызгали Сдыкұлы Сдыковтың туғанына 90 жылтолуынаорай өмірбаяны мен еңбек жолын оқырман қауымға таныстыру.

Міндеттері:

- өлке тарихын зерттеудің дереккөзі ретінде архивтік құжаттарды ұсыну;

- Жерлесіміз Н.Сдыков өмірбаянымен таныстыру;

- өлке тарихына құрмет сезімін қалыптастыру.

Мемлекеттік архивке сақтауға 16 сақтау бірлігінен құралған жеке тектік құжаттары қабылданды. Олардың құрамында өмірбаян, жеке құжаттары, ордендердің куәіктері, медальдердің және белгілердің куәліктері марапаттаулар,грамоталары, алғыс хаттар, адресаттар, Н.С. Сдыков туралы мақалалар, фотосуреттер.

Тарихи анықтама

Сдыков Наурызғали Сдыкұлы – мәдениет саласының еңбек сіңірген қайраткері.

Сдыков Наурызғали Сдыкұлы 1928 жылы 12 наурызда Орда ауданы, Теректі ауыл кеңесінде қарапайым отбасында дүниеге келген.

Еңбек жолын 1944 жылы 16 жасында, орта мектеп бітірген соң бастады. Алдымен мұғалім болып жұмыс жасады, жарты жыл өткесін Фурманов ауданы, Жаңажол бастауыш мектебінің меңгерушісі болды.

1946 жылдан бастап аудан орталығындағы мектепте жұмыс істеп, оқуын жалғастырды, ал 1947 жылы Орал педагогикалық училищесін, 1951 жылы А.С.Пушкин атындағы Орал педагогикалық институтын бітірді.

1954 жылы Наурызғали Сдыков Қазақстан Компартиясының Батыс Қазақстан облыстық комитетінің аппаратына жұмысқа ауысады. 1962 жылы облыстық партия комитетің  жолдамасымен Н.Сдыков Мәскеудегі КОКП ОК жанындағы жоғары партия мектебіне оқуға жіберіледі.

Н.Сдыков Жоғары партия мектебін бітіргеннен кейін облыстық теледидар және радио хабарларын тарату комитетінің төрағасы болып тағайындалады. Осы қызметте 1988 жылға дейін, зейнеткерліке шыққанша жұмыс істеді.

1988 жылдан 1991 жылға дейін «Білім» облыстық қоғамының кеңесшісі, 1991-1997 жылдары – «Қазақ тілі» облыстық қоғамының төрағасы болып жұмыс жасады.

Н.Сдыков жемісті жұмысы үшін «Құрмет белгісімен», 6 медаль, КССР Жоғарғы Кеңесінің құрмет грамоталарымен, 1961 жылы «Халық ағарту ісінің үздігі» атағына ие болды, 1976 жылы «Қазақ КСР телеарна және радио ісінің үздігі», 1987 жылы – «Қазақ КСР еңбек сіңірген мәдениет қайраткері» құрметті атағымен марапатталады.

Н.Сдыков бірнеше рет қалалық және облыстық кеңестін депутаты болып сайланды. Журналистер одағының мүшесі болған, оның ішінде 15 жылдан астам уақыт Журналистер одағының аймақтық үйымына жетекшілік еткен.

Өмірбаян, 454-қор, 1-тізім, 1-іс.Түпнұсқа,қолмен жазылған, орыс тілінде.

Қазақ ССР «Білім» қоғамының куәлігі, 454-қор, 1-тізім, 1-іс, 2 бет. Түпнұсқа, машинамен басылған, қазақ тілінде.

КОКП мүшесінің тіркеу карточкасы, 454-қор, 1-тізім, 1-іс, 2 бет. Түпнұсқа, машинамен басылған, орыс тілінде.

«Тың жерлерді игергені үшін» медаль куәлігі, 454-қор, 1-тізім, 3-іс, 2-бет. Түпнұсқа, машинкамен басылған, орыс тілінде.

Фотосурет, 454-қор, 1-тізім, 16-іс.