ҰОС ардагері Иван Степанович Монаховтың 100 жылдығына арналған виртуалды көрме

Ұлы Отан соғысының ардагері Ивана Степанович Монаховтың туғанына 100 жыл толу құрметіне Сізге оның өмірі мен қызметіне қатысты құжаттардың электрондық көрмесін ұсынамыз.

Осы көрмені дайындау барысында негізгі дереккөз ретінде «Батыс Қазақстан облысының мемлекеттік архиві» КММ-дегі №-39 қорындағы Иван Степанович Монаховтың жеке ісіндегі құжаттары пайдаланылды.

Көрменің негізгі мақсаты: Ұлы Отан соғысының ардагері Иван Степанович Монаховтың туғанына 100 жылтолуына орай өмірбаяны мен еңбек жолын оқырман қауымға таныстыру.

Міндеттері:

- өлке тарихын зерттеудің дереккөзі ретінде архивтік құжаттарды ұсыну;

- Жерлесіміз И.С.Монаховтың өмірбаянымен таныстыру;

- өлке тарихына құрмет сезімін қалыптастыру.

Тарихи анықтама

Иван Степанович Монахов 1918 жылы Нижегород облысы, Болдин ауданы Пушкино ауылында дүниеге келді.

Еңбек жолын бастауыш мектептегі мұғалім ретінде бастады.

1939 жылы Арзамас педагогикалық училищесін бітіріп, Қызыл Армия құрамына шақыртылды.

Иван Степанович соғысты К.Е.Ворошилов атындағы жазғы лагерде қарсы алды.

Оның жауынгерлік жолы полктың байланыс басшысы және саяси істер жөніндегі орынбасары болған, 150-ші танк бригадасының құрамында өтті.

Соғыстан кейін И.С.Монахов педагогикалық қызметін жалғастырды.

1968 жылы Орал облысына көшіп келді. Арматура зауытында, көлік базасы байланысында, Фурманов магистральдық су құбырларын пайдалану басқармасында жұмыс істеген.

1978 жылы лайықты демалысқа шығады.

 2003 жылдың ақпан айында И.Монахов қайтыс болды.

Өмірбаян, 39-қор, 2-тізім, 1-іс.  Көшірме, машинкамен басылған, орыс тілінде.

Партиялық билет №12502745, 39-қор, 2-тізім, 1-іс, 10-бет. Түпнұсқа, машинкамен басылған, қазақ тіліңде және орыс тілінде.

Профсоюз билеті №4890341, 39-қор, 2-тізім, 1-іс, 10-бет. Түпнұсқа,машинкамен басылған, орыс тілінде.

Орденнің кітапшасы №1992589, 39-қор, 2-тізім, 3-іс, 1-бет. Түпнұсқа, машинкамен басылған, орыс тілінде.

«Еңбек ардагері» медалінің куәлігі, 39-қор, 2-тізім, 4-іс, 2-бет. Түпнұсқа, машикамен басылған, орыс тілінде.

Кеңес Одағының Маршалы Г.К.Жуков медалінің куәлігі, 39-қор, 2-тізім, 4-іс, 1-бет. Түпнұсқа, машинкамен басылған, қазақ тілінде және орыс тілінде.

 

«В день выборов» атты И.С.Монаховтың жазған өлеңі, 39-қор, 2-тізім, 8-іс, 1-бет. Түпнұсқа, қолмен жазылған, орыс тілінде.

Фотосурет, 39-қор, 2-тізім, 9-іс