Ауыл шаруашылығы ғылымдарының кандидаты, Батыс Қазақстан облысының тумасы Алексей Васильевич Черекаевтың туғанына 85 жыл толу құрметіне жеке тектік қорына жататын құжаттар тізімі

Алексей Васильевич Черекаев 1932 жылдың 29 наурызында Батыс Қазақстан облысы Жаңақала ауданы Маштексай ауылында шаруа отбасында дүниеге келді. Әкесі – Черекаев Василий Николаевич, 1907 жылы дүниеге келген, КОКП мүшесі, Чапаев ауданы Первомай ауылдық кеңесінің төрағасы. Анасы – Черекаева Екатерина Даниловна, 1908 жылы дүниеге келген, үй шаруасында болды.

 1950 жылы Чапаев орыс орта мектебінің 10 класын бітірді. 1950-1954 жылдары Мәскеу зоотехникалық институтының студенті болды. 1954 жылы институтты Мәскеу қаласынан Ижевск қаласына көшіруге байланысты Мәскеу ветеринариялық академиясының зоотехника институтына ауысты. Оны 1955 жылдың наурызында «зоотехника ғалымы» мамандығы бойынша тәмамдады.

1955 жылдан Чапаев совхозының бас зоотехнигі, Чапаев аудандық ауыл шаруашылығы инспекциясының бас зоотехнигі, басшысы, Бүкілодақтық мал шаруашылығын ғылыми-зерттеу институтының аспиранты, Бүкілодақтық мал шаруашылығын ғылыми-зерттеу институтының кіші ғылыми қызметкері, аға ғылыми қызметкері болып еңбек етті. 1963 жылдан Чапаев өндірістік басқармасы «Аңқаты» племсовхозының директоры болды.

«Ленин» орденімен және «Орақ пен балға» алтын медалімен марапатталды.

Әйелі – Черекаева Ирина Александровна, 1930 жылы дүниеге келді, Бүкілодақтық мал шаруашылығын ғылыми-зерттеу институтының аспиранты, қызы – Елена, 1953 жылы дүниеге келді, ұлы – Василий, 1955 жылы дүниеге келді.

Өз ауданының қоғамдық-саяси өміріне белсене араласты. Аудандық партия комитетінің мүшелігіне, аудандық кеңес депутаттығына, Қазақстан Компартиясы Орталық Комитетінің мүшелігіне кандидат болып сайланды.

Ғылыми іссапарлармен Ұлыбританияға және Ирландия Республикасына (1967 жыл, тамыз-қараша), Австралияға (1967 жыл, наурыз-сәуір), Италияға (1968 жыл, тамыз), Ұлыбританияға (1969 жыл, қыркүйек-қараша), Канадаға (1969 жыл, желтоқсан) барды. Шетелдің алдыңғы қатарлы тәжірибесін «Аңқаты» племсовхозының мал шаруашылығына енгізді.

1972 жылдың 6 сәуірінде Қазақстан Компартиясы облыстық комитетінің анықтамасына сәйкес А.В.Черекаев басқа жұмысқа ауысуына байланысты Чапаев ауданы «Аңқаты» совхозының директоры лауазымынан босатылды.

Алексей Васильевич Черекаевтың өмірбаяны мен қызметіне қатысты материалдарды Батыс Қазақстан облысы мемлекеттік архивінің №П37 қорынан табуға болады.