Социалистік еңбек ері, Ұлы Отан соғысының ардагері Григорий Андреевич Бойновтың туғанына 110 жыл толу құрметіне орай электрондық көрмеге орналастыруға жататын құжаттар тізімі

Тарихи анықтама

Бойнов Григорий – Социалистік еңбек ері, Ұлы Отан соғысының ардагері.

Бойнов Григорий Андреевич 1907 жылы Мордовия АКСР Тенгушев ауданы Широмасово ауылында қарапайым кедей шаруа отбасында дүниеге келген, ұлты-мордова, білімі жоғары, тарих пәнінің мұғалімі, агроном, 1926 жылдан партия мүшесі.

1926-1930 жылдары Мордовия АКСР Саран облысында комсомол жұмысымен айналысқан, 1930-1933 жылдары Мәскеу қаласындағы Шығыс халықтар университетінің студенті, 1933-1941 жылдары Бөрлі ауданы «Овцевод» совхозында саяси бөлімінің бастығы орынбасары, мектеп директоры, Орал станциясы негізгі партия комитетінің хатшысы, 1941-1945 жылдардағы Ұлы Отан соғысына қатысқан, 1946-1947 жылдары Орал облыстық партия комитеті кадр бөлімінің сектор меңгерушісі, 1947-1967 жылдары Орал қаласы Теміржол аудандық партия комитетінің 1-ші хатшысы, Орал қалалық партия комитетінің 3-ші хатшысы, 2-ші хатшысы, Теректі аудандық партия комитетінің 1-ші хатшысы, Бөрлі аумақтық өндірістік басқармасында облыстық партия комитетінің партия ұйымдастырушысы, Бөрлі аудандық партия комитетінің 1-ші хатшысы, 1967-1968 жылдары Орал облыстық партия комитеті жанындағы кеңестік және партиялық жұмысшыларды дайындау жөніндегі тұрақты курстарының меңгерушісі қызметтерін атқарды.

Социалистік Еңбек Ері атағы бар, Ленин орденімен, Қызыл Жұлдыз орденімен, I және II дәрежелі Отан соғысы орденімен, Еңбек Қызыл Ту орденімен, үш медальдармен және Қазақ КСР Жоғарғы Кеңесі Төралқасының Құрмет грамотасымен марапатталған.

Өмірбаяндық мәліметтер

Комсомолдық билет №09401005

106-қор, 1-тізім, 3-іс