Даңқ орденінің кавалері, саяси қызметкер, Орал қаласының тумасы Владимир Аполлонович Захаровтың туылғанына 100 жыл толуына орай виртуалды көрме
Осы жылы Даңқ орденінің кавалері, саяси қызметкер, Орал қаласының тумасы Владимир Аполлонович Захаровтың туғанына 100 жыл толды.
Осы оқиғамен байланысты Сіздің назарларыңызға В.А.Захаровтың өмірі мен қызметіне қатысты мұрағаттық құжаттардан көрме ұсынамыз.
Владимир Аполлонович Захаров 1915 жылдың 16 сәуірде Орал қаласында мұғалімдер отбасында дүниеге келген. Ата-анасы ауылда мұғалім болып жұмыс жасады. Әкесі І-ші Империалистік соғыста қаза тапқан. Анасы зейнетке шыққанға дейін Орал қаласының №34 мектебінде еңбек етті.
7-жылдық мектепте оқыған. 1930 жылы радиотехник курсын, 1935 жылы Орал кешкі педагогикалық жұмысшы факультетін, 1956 жылы ҚКП ОК жанындағы Жоғары партия мектебін бітірді.
Еңбек жолын 1930 жылдан бастады. 1941 жылға дейін радиотехник, электрик, радиобайланыс бастығы болып жұмыстанды. 1941 жылдың тамызында Кеңес Армиясы қатарына шақыртылды.
1941-1945 жылдары Ұлы Отан соғысына қатысушы. Іс-әрекет армиясында 1942 жылдың ақпанынан бастап Орталық және 1-ші Белорус майдандарында соғысты. Әскери жолы 86-шы ауыр гаубицалық артиллериялық бригадасы құрамында өтті. Әскери мамандығы-радист. 1943 жылы майданда партияға қатарына өтті.
1943 жылдың 5 шілдесінде Поныри станциясындағы шайқастасержант Захаровбатарея командирі мен взвод арасындағы үздіксіз байланысты қамтамасыз етті. Радиостанция бүлінгенде, жаудың қарша бораған оғына қарамастан, зақымданған жерін жөндеп, байланысты қалпына келтірді. Осы ерлігі үшін бірінші жауынгерлік марапат – «Жауынгерлік ерлігі үшін» медалін алды.
1943 жылдың күзіндеСтарая Лутава елді мекеніндегі плацдарм үшін болған шайқаста екі күн бойы артиллерия оғын түзетіп, нысананы дәл көрсетті. Жаудың бірнеше қарсы шабуылын тойтаруға қатысты. Осы ерлігі үшін «Қызыл Жұлдыз» орденімен марапатталды.
1944 жылыОполе-Любельск қаласындағы Висла өзенінен өту кезіндегі шайқаста 1-6 тамыз аралығында радио арқылы артиллерияның оғын нысанаға дәлдеп түзетті. Оның нұсқауы бойынша артиллеристер жаудың қарсы шабуылына оқ жаудырып, жау артиллериясының көзін жойды. Ерлігі, батылдығы және шеберлігі үшін 1944 жылдың 21 тамызындағы бұйрығымен ІІІ-ші дәрежелі «Даңқ» орденімен марапатталды.
1945 жылдың қаңтарындаРадомский-Лодзь операциясыныңЕнджеюв елді мекеніндегі шайқаста бес күн бойы қолайсыз ауа-райына қарамастан, бригада командирін дивизиондарымен байланыстырып, бригаданы басқару үшін командирге жағдай жасады. Радиобайланысты өте жақсы қамтамасыз еткені үшін 1945 жылдың 4 наурызындағы бұйрығымен ІІ-ші дәрежелі «Даңқ» орденімен марапатталды.
Берлин операциясы кезінде 16 сәуірден 2 мамырға дейін бригада командирінің радио байланысын сәтті қамтамасыз етті. Оның радиостанциясы Одерде, немістердің қорғаныс шептерінде, Берлиндегі көше қақтығыстарында үздіксіз жұмыс жасады.Ұрыстың қиын-қыстау сәтінде радиостанция зақымданады. Бірақ, жиған білімі мен тәжірибесі арқасында бүлінген жерін жөндеп, байланысты қалпына келтіреді. Батырлығы, ерлігі және қаһармандығы үшін 1946 жылдың 15 мамырында КСРО Жоғарғы Кеңесі Төралқасының Жарлығымен І-ші дәрежелі «Даңқ» орденімен марапатталып, толықкавалер атанды.
1945 жылдың қарашасында әскерден босатылып, Оралға келді. Бейбіт өмірде қалалық партия комитетінің нұсқаушысы, Орал қаласы Приречный аудандық партия комитетінің бөлім меңгерушісі, Орал қаласы Теміржол аудандық партия комитетінің бөлім меңгерушісі, облыстық партия комитетінің сектор меңгерушісі, Бөрлі аудандық партия комитетінің совхоз аймағы бойынша хатшысы, Бөрлі аудандық еңбекші депутаттар кеңесі атқарушы комитеті төрағасының орынбасары, Березов совхозының директоры, Орал қаласы асхана және мейрамхана трестінің директоры, Орал облыстық сауда басқармасы сауда бөлімінің басшысы қазметтерін атқарған. 1990 жылдың 2 сәуірінде дүниеден озды.
І-ші дәрежелі «Отан соғысы» орденімен, «Қызыл Жұлдыз» орденімен, І-ші, ІІ-ші, ІІІ-ші дәрежелі «Даңқ» орденімен, медальдармен марапатталған.
Осы көрмені дайындау барысында негізгі дереккөз ретінде Батыс Қазақстан облыстық мемлекеттік мұрағатындағы №П-37 «Қазақстан Компартиясының Орал облыстық комитеті» қоры және №39 «1941-1945 жж. Ұлы Отан соғысының қатысушылары және Кеңес Одағының Батырлары» қорындағы В.А.Захаровтың жеке ісінің құжаттары алынды.
Көрменің негізгі мақсаты: 1941-1945 жылдардағы Ұлы Отан соғысына қатысушы, «Даңқ» орденінің кавалері, саяси қызметкер В.А.Захаровтың туғанына 100 жыл толуына орай оның өмірі мен қызметін оқырман қауымға таныстыру.
Міндеттері:
- өлке тарихын зерттеудің дереккөзі ретінде мұрағаттық құжаттарды ұсыну;
- В.А.Захаровтың өмірбаянымен таныстыру;
- Ұлы Отан соғысы ардагерлеріне құрмет сезімін қалыптастыру.
Көрме келесі бөлімдерден тұрады:
- Өмірбаяндық мәліметтер
- В.А.Захаров туралы басылымдар
- Фотосуреттер
Өмірбаяндық мәліметтер
Өмірбаяны , Өмірбаяны 06.05.1953 ж. жазылған, түпнұсқа, қолмен жазылған, орыс тілінде, П-37-қор, 34-тізім, 70-іс, 10, 10с. бб., 1 парақта
Жетекші кадрлар есеп жөніндегі жеке парағы , 1932-1952 жылдар аралығындағы еңбек өтілін қамтиды, түпнұсқа, орыс тілінде, П-37-қор, 34-тізім, 70-іс, 6, 6с., 7, 7с. бб., 2 парақта
Кадр есеп жөніндегі жеке парағы , 1932-1962 жылдар аралығындағы еңбек өтілін қамтиды, түпнұсқа, орыс тілінде, П-37-қор, 34-тізім, 70-іс, 2, 2с., 3, 3с. бб., 2 парақта
Кадр есеп жөніндегі жеке парағына қосымша , 1956-1963 жылдар аралығындағы атқарған жұмыс туралы мәліметтер, түпнұсқа, қолмен жазылған, орыс тілінде, П-37-қор, 34-тізім, 70-іс, 1, 1с. бб., 1 парақта
ҚК(б)П қалалық комитеті бюро отырысының №127 хаттамасынан үзінді көшірме , ҚК(б)П қалалық комитеті әскери бөлімінің нұсқаушысы лауазымына бекіту туралы, 14.12.1945 ж., түпнұсқа, машинкамен басылған, орыс тілінде , П-37-қор, 34-тізім, 70-іс, 11 б., 1 парақта
ҚК(б)П облыстық комитеті бюро отырысының №408 хаттамасынан үзінді көшірме , Қалалық партия комитеті әскери бөлімінің нұсқаушысы лауазымына бекіту туралы, 18.12.1945 ж., түпнұсқа, машинкамен басылған, орыс тілінде, П-37-қор, 34-тізім, 70-іс, П-37-қор, 34-тізім, 70-іс,13 б., 1 парақта
ҚК(б)П Орал қалалық комитеті бюро отырысының №184 хаттамасынан үзінді көшірме , Орал қаласы Приречный аудандық партия комитеті әскери бөлімінің меңгерушісі лауазымына бекіту туралы, 1947 ж., түпнұсқа, машинкамен басылған, орыс тілінде, П-37-қор, 34-тізім, 70-іс, 15 б., 1 парақта
ҚК(б)П қалалық комитеті бюро отырысының №214 хаттамасынан үзінді көшірме , Теміржол аудандық партия комитеті ұйымдастыру-нұсқаушылық бөлімінің меңгерушісі лауазымына бекіту туралы, 1947 ж., түпнұсқа, машинкамен басылған, орыс тілінде, П-37-қор, 34-тізім, 70-іс, 18 б., 1 парақта
Мінездеме , ҚК(б)П Теміржол аудандық комитеті ұйымдастыру-нұсқаушылық бөлімінің меңгерушісі лауазымына бекітуге ұсыныс, 1947 ж., түпнұсқа, машинкамен басылған, орыс тілінде, П-37-қор, 34-тізім, 70-іс, 20 б., 1 парақта
Мінездеме, ҚК(б)П Теміржол аудандық комитетінің кадр жөніндегі хатшысы лауазымына бекітуге, 1948 ж., түпнұсқа, машинкамен басылған, орыс тілінде , П-37-қор, 34-тізім, 70-іс, 24 б., 1 парақта
Куәлік көшірмесі , 1935 ж. Орал педагогикалық жұмыс факультетін бітіргені туралы, 1952 ж., түпнұсқа, қолмен жазылған, орыс тілінде, П-37-қор, 34-тізім, 70-іс, 28 б., 1 парақта
Мінездеме, ҚКП облыстық комитеті жанындағы 3 жылдық республикалық партия мектебінің тыңдаушысына ұсыну туралы, 1953 ж., түпнұсқа, машинкамен басылған, орыс тілінде, П-37-қор, 34-тізім, 70-іс, 30 б., 1 парақта
ҚКП облыстық комитеті бюро отырысының №17 хаттамасынан үзінді көшірме , Бөрлі аудандық партия комитеті совхоз жөніндегі хатшысы лауазымына бекіту туралы, 1956 ж., түпнұсқа, машинкамен басылған, орыс тілінде, П-37-қор, 34-тізім, 70-іс, 34 б., 1 парақта
ҚКП облыстық комитеті хатшылығы отырысының №41 хаттамасынан үзінді көшірме , Бөрлі аудандық еңбекші депутаттар кеңесі атқарушы комитетінің төраға орынбасары лауазымына бекіту туралы, 1957 ж., түпнұсқа, машинкамен басылған, орыс тілінде, П-37-қор, 34-тізім, 70-іс, 36 б., 1 парақта
ҚКП облыстық комитеті бюросының Қаулысынан хаттама , Березов совхозының директоры лауазымына бекіту туралы, 1959 ж., түпнұсқа, машинкамен басылған, орыс тілінде, П-37-қор, 34-тізім, 70-іс, 42 б., 1 парақта
ҚКП Орал қалалық комитеті бюросының Қаулысынан хаттама , Асхана және ресторан трестінің директоры лауазымына бекіту туралы, 1959 ж., түпнсқа, машинкамен басылған, екі тілде, П-37-қор, 34-тізім, 70-іс, 45 б., 1 парақта
Анықтама , ҚКП облыстық комитетінің бекітуге, , П-37-қор, 34-тізім, 70-іс, 49, 49с. бб., 1 парақта , 1959 ж., түпнұсқа, машинкамен басылған, орыс тілінде
«Кавалер орденов Славы» мақаласы. Ұлы Жеңісінің 20 жылдығына орай , «Приуралье» газеті, №70, 07.04.1965 ж.,, 39-қор, 1-тізім, 36-іс, 2 б.
Фотосурет, Жеке ісінен фотосы, түпнұсқа, П-37-қор, 34-тізім, 70-іс
