Батыс Қазақстан облысының мәдениет, тілдерді дамыту және архив ісі басқармасының Батыс Қазақстан облысының мемлекеттік архивінің сараптау-тексеру комиссиясының кезекті отырысының қорытындысы

        2023 жылдың 29-шы қыркүйек күні БҚО мәдениет, тілдерді дамыту және архив ісі басқармасының архив ісі бөлімінің басшысы Л.Туремуратова төрағалығымен облыстық сараптау-тексеру комиссиясының кезекті отырысы өткізілді.

Комиссия отырысы барысында облыстық мемлекеттік архивтің толықтыру көзіндегі мекемелер қатысты. Атап айтқанда, «Облыстық мамандандырылған олимпиада резервінің балалар-жасөспірімдер мектебі» МКҚК, Дарынды балаларға арналған мамандарылған № 8 облыстық мектеп-лицейі» КММ-нің архивке жауапты маман өкілдері баяндама жасады. Баяндамаларда, ұйымдарда іс-жүргізу барысы жөнінде, ведомстволық архивтердің орналасуы мен жай-күйі, құжаттардың қалыптасуы, сақталуы және осы бағыттағы жалпы атқарылып жатқан іс-шаралар туралы ақпарат берілді.

        Комиссия мүшелері сөйлеушілердің ақпаратын қортындылай келіп, аталған мекеме басшыларына ведомстволық архивтерде архив ісін және іс жүргізуді жетілдіру мәселелеріне ерекше назар бөлуді, мекемелерде сақтауда тұрған құжаттардың есептерін жүргізуді және олардың талапқа сай сақталуын қамтамасыз ету жөнінде ұсыныстар енгізді.

       Одан әрі комиссия өз жұмысында облыстың келесі мекемелерімен кәсіпорындары ұсынған құжаттарын қарады. Олар: ғылыми-техникалық өңдеу бойынша: «Азаматтарға арналған үкімет» мемлекеттік корпорациясы» коммерциялық емес акционерлік қоғамының Батыс Қазақстан облысы бойынша филиалының (Әлеуметтік төлемдерді ведомствоаралық есептеу орталығы департаменті) (2016-2018 жж), БҚО Әділет департаментінің коммерциялық емес ұйымдарды тіркеу және тіркеу қызметі саласындағы бақылау бөлімінің акт жазбалары (2022 ж), «ҚР ҚМ Мемлекеттік мүлік және жекешелендіру комитетінің Батыс Қазақстан мемлекеттік мүлік және жекешелендіру департаменті» ММ (1996-2000 жж) құжаттары бекітілді.

      Істер номенклатурасының қорытындысы бойынша: БҚО әкімдігі дене шынықтыру және спорт басқармасының «Жауынгерлік өнер қауымдастығының облыстық жоғарғы спорт шеберлігі мектебі» МКҚК-нің, «Батыс Қазақстан облысы әкмдігінің цифрлық технологиялар басқармасының «Ақпараттық технологиялар орталығы» КММ-нің, «БҚО бойынша тергеп-тексеру департаменті» РММ-нің, «БҚО цифрлық технологиялар басқармасы» ММ-нің істер номенклатурасы келісілді.

     Сақтауға жатпайтын құжаттарды жоюға бөлу туралы акті бойынша: ҚР Стратегия жоспарлау және реформалар агенттігі Ұлттық Статистика бюросының БҚО бойынша департаменті» РММ-нің (2019, 2020, 2021 жж) құжаттары бекітілді.

           Сонымен қатар, Батыс Қазақстан облысы әкімдігінің цифрлық технологиялар басқармасының «Ақпараттық технологиялар орталығы» КММ-нің, БҚО әкімдігі мәдениет, тілдерді дамыту және архив ісі басқармасының «Хадиша Бөкеева атындағы облыстық қазақ драма театры» МКҚК-нің, «БҚО бойынша тергеп-тексеру департаменті» РММ-нің сараптау комиссиясы туралы және ведомстволық архиві туралы ережелеріне өз келісімін берді.

          Келесі СТК-ның отырысы жұмыс жоспарына сәйкес 2023 жылдың 31 қазанында өтеді.