Батыс Қазақстан облысының мәдениет, мұрағаттар және құжаттама басқармасының жанындағы облыстық сараптама-тексеру комиссиясының кезекті отырысының қорытындысы
2016 жылдың 29 қаңтарында Батыс Қазақстан облысының мәдениет, мұрағаттар және құжаттама басқармасы мұрағат және құжаттама бөлімінің басшысы Л.Т.Төремұратованың төрағалығымен облыстық сараптау-тексеру комиссиясының кезекті отырысы өткізілді.
Комиссия отырысы барысында облыстық мемлекеттік мұрағаттың толықтыру көздерінің өкілдеріне сөз берілді. Баяндамаларда, ұйымдарда іс-жүргізу барысы жөнінде, ведомстволық мұрағаттардың орналасуы мен жай-күйі, құжаттардың қалыптасуы мен сақталуы, және осы бағыттағы жалпы атқарылып жатқан іс-шаралар туралы ақпарат берілді.
Комиссия мүшелері сөйлеушілердің ақпаратын қортындылай келіп, аталған мекеме басшыларына ведомстволық мұрағаттарда мұрағат ісін және іс жүргізуді жетілдіру мәселелеріне ерекше назар бөлуді, мекемелерде сақтауда тұрған құжаттардың есептерін жүргізуді және олардың талапқа сай сақталуын қамтамасыз етуді, сонымен қатар осы салада жаңа технологияларды пайдалану жөнінде ұсыныстар енгізді.
Одан әрі комиссия өз жұмысында облыстың келесі мекемелерімен кәсіпорындары ұсынған құжаттарын қарап шешімін берді. Олар, ғылыми-техникалық өндеу жұмысының қорытындысы бойынша: «Талап» АҚ, «Саяхат» ЖШС, «Лира» ЖШС, «БҚО бойынша жекешелендіру жөніндегі мемлекеттік комитеті» ММ және Орал Республикалық мемлекеттік қазыналық су жолдары кәсіпорнының тізімдемелері. Істер номенклатурасы бойынша: «Орал қаласының экономика және бюджеттік жоспарлау бөлімі» ММ, «Республикалық ғылыми-техникалық кітапханасы» АҚ Батыс Қазақстан филиалы, «Қазгидромет» РМК Батыс Қазақстан облысы бойынша филиалы, «Орал қаласының мәдениет және тілдерді дамыту бөлімі» ММ, ҚР АШМ «Ветеринариялық бақылау және қадағалау комитетінің Орал қалалық аумақтық инспекциясы» ММ, «Батыс Қазақстан электр желілерін таратушы компаниясы» АҚ, «Ақжайық спорт клубы», «Мерлан» ЖШС, «БҚО дене шынықтыру және спорт басқармасы» ММ,«№1 балалар жасөспірімдер спорт мектебі»МКҚК, «№2 балалар жасөспірімдер спорт мектебі» МКҚК, «Жылжымайтын мүлік орталығы» РМК БҚО филиалы, «БҚО мемлекеттік сәулет-құрылыс басқармасы» ММ, «Облыстық балалар-жасөспірімдер теннис спорт мектебі» МКҚК, «БҚО байланыс және ақппараттандыру инспекциясы» ММ, «Орал қалалық құрылыс бөлімі» ММ, «Орал қалалық кәсіпкерлік бөлімі» ММ, «Орал қалалық тұрғын үй және коммуналдық шаруашылық бөлімі» ММ, сонымен қатар 10 сараптау комиссиясыжәне ведомстволық мұрағаты туралы ережелеріне өз келісімін берді. Келесі СТК –ның отырысы жұмыс жоспарына сәйкес 2016 жылдың 29 ақпанында өтеді.
Ведомстволық мұрағаттармен жұмыс бөлімі
