Батыс Қазақстан облысының мемлекеттік архивінде 2026 жылдың жылдық жоспарына сәйкес атаулы күндерге орай архивтік қор құжаттарынан көрме ұйымдастырылды.

       2026 жылдың 13-ші наурыз күні Батыс Қазақстан облысының мемлекеттік архивінде 2026 жылдың жылдық жоспарына сәйкес атаулы күндерге орай архивтік қор құжаттарынан-Байболатов Андрей Уалиұлы- белгілі партия және шаруашылық қайраткері туғанына   -100 жыл (1926) және Қазақстан мемлекеттік және партия қайраткері, Орал қаласының негізгі келбетін салуға үлкен үлес қосқан қайраткер - Ықсанов Мұстахым Біләлұлына арналған көрме ұйымдастырылды.

       Шараға тарих, экономика және құқық факультетінің «Гуманитарлық пәндер мұғалімдерін даярлау»БББ 6В01601-Тарих» мамандығының 3 курс студеттері қатысты.

       Аталмыш шараның басты мақсаты - архив құжаттарын зерделей отырып жас ұрпақтың санасында тарихқа деген сүйіспеншілікті арттыру, өскелең ұрпақты өлке тарихы құжаттарымен таныстыру. М.Өтемісов атындағы БҚУ-нің тарих,экономика және құқық факультетінің гуманитарлық пәндер мұғалімдерін даярлау»БББ 6В01601-Тарих» мамандығының 3 курс архив жұмысын таныстыру және архив құжаттарын насихаттау.Архив саласының қоғамға қажеттігін, оның қоғамдағы рөлінің қандай екенін түсіндіру. Еліміздің архив мекемелері ұлттық бірегейлікті тәрбиелеудің негізгі көзі болып табылатын – Ұлттық архив қорының құжаттарын белсенді пайдалану және зерделеу.

       Шара барысында Батыс Қазақстан облысының мемлекеттік архивінің архив құжаттарын пайдалану және жариялау бөлімінің басшысы Доши Бағдат Серікұлы кіріспе сөз сөйледі.Архив құжаттарын пайдалану және жариялау бөлімінің архивисті Ижанов Жасұлан Саматұлы аталған көрмелермен студенттерді толыққанды таныстырды.

       Шараға қатысушылар архив қоймасына экскурсия жасап, тұрақты сақтауда тұрған көне құжаттармен танысып, ерекше әсер алды.

       Шараға қатысушылар архив жұмысымен және оқырман залында жұмыстану барысымен танысып, өз ойларымен бөлісіп, ұжымға алғыс тілектерін білдірді.

       Архив құжаттарын пайдалану және жариялау бөлімі.