Ақпараттық кеңес

Облыстық мемлекеттік архив пен аудандық филиалдар арасында онлайн форматта кезекті кеңес өтті.

Кеңесті директордың орынбасары Мендигулов К. Ш. ашып, күн тәртібін таныстырып, 15 наурызда өтетін Қазақстан Республикасы Конституциясына өзгерістер енгізу жөніндегі алдағы республикалық референдум тақырыбының өзектілігін атап өтті.

Батыс Қазақстан облысының мемлекеттік архивінің ағымдағы жұмыстары бойынша бөлім басшылары Доши Б. С., Қабдолла С. Қ., Зекенов А. М. баяндама жасап, негізгі қызмет бағыттары мен жұмыс барысын таныстырды.

Кездесу барысында қатысушылар Облыстық архив пен аудандық филиалдар арасындағы өзара іс-қимылға қатысты ұйымдастырушылық және жұмыс мәселелерін талқылады.

Кеңес соңында директор Жангиров Б. Т. қатысушылардың сұрақтарына жауап беріп, жиынның қорытындысын шығарып, алдағы міндеттер мен жұмыс бағыттарын айқындады.