Ведомстволық деңгейде құжаттардың сақталуын қамтамасыз ету

2026 жылдың 11 ақпан күні Батыс Қазақстан инновациялық-технологиялық университетінің ғимаратында Батыс Қазақстан облысының мемлекеттік архивінің толықтыру көзі болып табылатын Батыс Қазақстан облысының білім басқармасына бағынысты мекемелерінің және жеке білім беру ұйымдарының (университет, колледж) архив саласына жауапты өкілдерімен «Ведомстволық деңгейде құжаттардың сақталуын қамтамасыз ету» тақырыбында семинар-кеңес өтті.

Семинардың ашылуында Батыс Қазақстан облысының мәдениет, тілдерді дамыту және архив ісі басқармасының архив ісі бөлімінің басышысы Лаура Төлешқызы Туремуратова мен Батыс Қазақстан облысының мемлекеттік архивінің директоры Бек Тыныштықұлы Жангиров сөз сөйлеп, жетістікке жеткен ведомстволық архивтердің мамандарына алғыс хаттар табыстады.

Бағдарламаға сәйкес семинар-кеңеске қатысушыларға ведомоствалық архивтермен жұмыс бөлімінің басшысы Самал Қабдоллақызы Қабдолла, жетекші сарапшылар Ұлжан Ерсайынқызы Исанова мен Серік Саматұлы Муханбеталиев архив ісінің нормативтік құқықтық актілерімен таныстыру, істер номенклатурасын жасақтау тәртібі және ғылыми-техникалық өңдеу жұмыстарын жүргізу бойынша слайд көрсетіп, түсінік жұмыстарын жүргізді.

Шара соңында қатысушылар істер номенклатурасын жасақтау мен ғылыми-техникалық өңдеу жұмыстары бойынша сұрақтар қойып , жауаптарын алды.

Ведомстволық архивтермен жұмыс бөлімі