Қызмет алушылардың назарына

         Қазақстан Республикасы Мәдениет және ақпарат министрлігінің (бұдан әрі - Министрлік) Архив, құжаттама және кітап ісі комитеті, «Құжаттардың бірыңғай электрондық архиві» АЖ-ды сүйемелдеу қызметі бойынша 2024 жылға шарттық міндеттеменің болмауына байланысты, өңірлердегі барлық архивтік мекемелерде техникалық қолдау жұмыстары ағымдағы жылғы 1 наурыздан бастап тоқтап тұр (Министрліктің 2024 жылғы 5 наурыздағы № 05-18/1078 хаты).

       Тиісінше, «Архивтік анықтамаларды, архивтік құжаттарды немесе архивтік көшірмелерді беру» және «Қазақстан Республикасының мемлекеттік архивтерінен шығатын және шетелге жіберілетін архивтік анықтамаларға, архивтік құжаттардың көшірмелеріне немесе архивтік үзінділерге апостиль қою» мемлекеттік қызметтерін өнім берушімен шарттық міндеттемелер жасалғанға дейінгі мерзімге, өтініштерді «Электрондық үкімет» порталы арқылы қабылдауды уақытша тоқтатты.

        Алайда, жоғарыда көрсетілген мемлекеттік қызметтерін алу туралы өтініштер «Халыққа қызмет көрсету орталығы» интеграцияланған ақпараттық жүйесі (бұдан әрі – «ХҚКО» ИАЖ) және «e-Otinish» ақпараттық жүйесі арқылы түсіп жатыр. Осы орайда, «ХҚКО» ИАЖ арқылы жоғарыда көрсетілген мемлекеттік қызметтері бойынша өтініштердің түсуін бұғаттады.

     Осыған байланысты, уақытша баламалы түрде Қазақстан Республикасы Мәдениет және спорт министрінің 2020 жылғы 29 мамырдағы № 159 бұйрығымен бекітілген, архив ісі саласында мемлекеттік қызметтер көрсету қағидаларына сәйкес, жоғарыда аталған көрсетілетін мемлекеттік қызметтерді кеңсе арқылы қабылданатындығын хабарлайды.