ҚАЗАҚСТАН РЕСПУБЛИКАСЫ ПРЕЗИДЕНТІ АРХИВІНІҢ 25 ЖЫЛДЫҒЫНА ОРАЙ 2019 ЖЫЛДЫҢ 18-19 ҚАЗАН АЙЫНДА АЛМАТЫ ҚАЛАСЫНДА «ҚАЗІРГІ КЕЗЕҢДЕГІ АРХИВ ІСІ: МӘСЕЛЕЛЕР, ТӘЖІРИБЕЛЕР, ИННОВАЦИЯЛАР» ТАҚЫРЫБЫНДАҒЫ II ХАЛЫҚАРАЛЫҚ ҒЫЛЫМИ-ПРАКТИКАЛЫҚ КОНФЕРЕНЦИЯ ӨТТІ

     Қазақстан Республикасы Президентінің 1994 жылғы 14 қаңтардағы Жарлығымен Жаңа тарих Орталық мемлекеттік архивінің негізінде құрылған Қазақстан Республикасы Президентінің Архиві 25 жылдық мерейтойын атап өтті.

  Архивтің 25 жылдығына арналған мерейтойлық іс-шаралардың бірі ретінде «Қазіргі кезеңдегі архив ісі: мәселелер, тәжірибелер, инновациялар» тақырыбындағы II халықаралық ғылыми-практикалық конференция өткізді. Конференция 17-18 қазанда өтті. Оның жұмысына Қазақстан, Қырғызстан, Польша, Ресей және Өзбекстан мемлекеттерінің архив ісіндегі жетекші сарапшылар мен тәжірибелі мамандар қатысты.

  Аталған конференцияға Батыс Қазақстан облысы мемлекеттік архивінің директоры Савгабаева Айжан Нургалиевна қатысып, «Архив құжаттарының электрондық сақтау формаларын енгізу тәжірибесінен» атты баяндама оқыды. Баяндамада Батыс Қазақстан облыстық мемлекеттік архиві «Құжаттардың электрондық архиві» ақпараттық жүйесіне көшіп, архив қорындағы қағаз құжаттар біртіндеп электрондық нұсқаға ауыстырылып жатқаны, сонымен қатар алғаш болып Қазақстанда зерттеушілердің оқырман залына келмей, үйде отырып, интернет желісіне қосылған жеке компьютер арқылы архив құжаттарына онлайн-түрде қол жеткізіп, жұмыс істеуге мүмкіндік алып отырғандығы туралы айтылды.