Халық Қаһарманы Хиуаз Доспанованың 90 жылдығына арналған «Қазақтың қанатты қызы» атты бейнеқұжат түсті.
Ағымдағы жылы мұрағатымызға Атырау облысы Мұрағаттар және құжаттама басқармасы Атырау облысының мемлекеттік мұрағатынан қазақтың ұшқыш қызы, Халық Қаһарманы Хиуаз Доспанованың 90 жылдығына арналған «Қазақтың қанатты қызы» атты бейнеқұжат түсті.
Бейнеқұжатта жау тылына үш жүз рет ұшып барып, жауды бас көтертпей бомбалаған, сол бомба толы тиелген ұшақпен әрбір ұшулы ерлікпен пара-пар болған, өрімдей жастық өмірінде көкірегіне көзсіз ерлікті, бейбіт өмір белесінде ұлағаттылықты ұялатқан Хиуаз Доспанованың өмір жолы мұрағаттық деректермен көрсетілген.
Қазақтың тұңғыш ұшқыш қызы Хиуаз Доспанова - соғыстан кейін жоғарғы партия мектебін оқып, бітірген және сол партия жолымен зейнеткерлікке шыққанша халқы үшін ерен еңбек еткен ұлағатты жан.
Қазақтың қанатты қызы Хиуаз Доспанованың есіме мәңгілік жастық алауымен тарихта өшпестей боп жазылды. Бейнеқұжатта Халық Қаһарманы Х. Доспанованың өмір деректерін көрсетумен оның ерлігі ұрпаққа насихатталады.
Бейнеқұжат 2012 жылы мамыр айында шығарылған. Бейнеқұжат қазақ тілінде жазылған. Бейнеқұжатқа 1 сақтау бірлігі енгізілген.
Осы бейнеқұжатқа тізімдеме құрып, тарихи анықтама жазып Батыс Қазақстан облысы мәдениет, мұрағаттар және құжаттама басқармасының сараптау –тексеру комиссиясының қарауына ұсынып отырмыз.
Қазақтың қанатты қызы Хиуаз Доспанова туралы бейне естелік мұрағатымыздың мұрағат қоймасында тұрақты сақтауға алынады.
Мұрағат қоймасының меңгерушісі Ж. Утешова
