Жаңа қор қабылдау
Өткен аптада Батыс Қазақстан облысы ішкі саясат департаментінің ведомостволық мұрағат құжаттары №1071 қор бойынша Батыс Қазақстан облысы мемлекеттік мұрағатының мұрағат қоймасына мемлекеттік тұрақты сақтауға қабылданды. Мекеменің ведомостволық мұрағатындағы 2002-2009 жылдар аралығында жұмыс барысында қалыптасқан істеріне ғылыми-техникалық өңдеу жұмыстары жүргізілген. Ғылыми- техникалық өңдеу жұмыстарын жүргізуде Қазақстан Республикасы Үкіметінің 2011 жылғы «26» желтоқсандағы №1605 қаулысымен бекітілген Сақтау мерзімдерін көрсете отырып, мемлекеттік және мемлекеттік емес ұйымдар қызметінде жасалатын үлгілік құжаттар тізбесі мен №1604 қаулысымен бекітілген «Ұлттық мұрағат қорының құжаттарын, басқа да мұрағат құжаттарын мемлекеттік және арнаулы мемлекеттік мұрағаттардың толықтыруы, сақтауы, есепке алуы мен пайдалануы туралы» қағидасы басшылыққа алынған. Ғылыми-техникалық өңдеуге мұрағаттық қордың маңызы мен құрамын сипаттайтын негізгі қызмет бойынша бұйрықтар мен өкімдер, Облыс әкімінің қаулылары, шешімдері және тапсырмалары, Департамент туралы ережелер, жылдық жұмыс жоспарлары, басшылардың негізгі іс-әрекет бойынша жасаған баяндамалары, хат алмасулар, департамент қызметкерлерінің саны мен қозғалысы жөніндегі жылдық есептер, қаржыландыру сметалары мен штаттық кестелер, қаржылық есептер, салықтар мен еңбек жөніндегі есептер, үкімдер енгізілген
Қор бойынша 38 бума жасақталып, барлығы 240 істің сақтау бірлігі енгізілген.
Құжаттар мен істер тізімдемелері бойынша тексеріліп, қабылдау-тапсыру актісі жасалды.
Мұрағат қоймасының меңгерушісі Ж. Утешова
