Гүлбану Сугралимовадан

Сугралимова Гүлбану Баяновна- тарих ғылымының кандидаты. Мен БҚО Мемлекетттік мұрағатында электронды архив барын бірінші рет Фейсбук парақшасынан көрдім. Бірден электронды мұрағат сайтына кіріп, қорлармен таныса бастадым. Менің зерттеу тақырыбым - "Соғыс балалары""(1941-1945жж.) болғандықтан, бірден Ұ.О.С. арналған құжаттар жинағын көріп, қуана әрі қызыға таныса бастадым. Айта кететін жайт, Алматы, Қарағанды, ШҚО, Павлодар қалалары архивтерінің сайтына кіріп едім, электронды базасы жоқ болып шықты. Сонда Қазақстан бойынша сіздің мекеме бірінші болып үкіметтің ақпаратты цифрландыру бағдарламасын жүзеге асырған екен. Бұл басқа мұрағаттарға үлгі боларлық үлкен көрсеткіш. Бұл ауқымды жетістікке БҚО Мемлекеттік мұрағаты директоры Савгабаева Айжан Нургалиевна мен оның қызметкерлері жүйелі, әрі қажырлы еңбегінің арқасында жетіп отыр. Әсіресе, қазіргі күрделі эпидемиологиялық жағдайда сіздің электронды қызмет көрсету жүйесі - зерттеушілер үшін таптырмас, аса қажет көмек. Сол үшін сізге барлық зерттеушілер тарапынан ерекше алғыс айтамыз. Осы мұрағаттың ғылыми анықтамалық аппараты, зерттеушілермен жұмыс және құжаттарды пайдалану бөлімінің архивисі -Ботакөз Илановна Нагимоваға ерекше тоқталғым келеді. Мен электрондық оқу залына тіркелу кезінде біраз қиналдым. Сонда Ботакөз Илановна маған оқу залына кіру алгоритмін қайта-қайта түсіндіріп, үйретті. Сіздің мұрағат қорымен бір айдай қашықтықта жұмыс істеп отырмын. Жұмыс барысында бірнеше мәрте рет тақырыпқа қатысты қор, істерге тапсырыс беріп отырамын. Сонда архивист Ботакоз Илановнаның маған көрсеткен ілтипаты, әдістемелік көмегін үнемі сезініп отырамын. Жалпы, БҚО Мемлекеттік мұрағаты мекемесінің қызметі замануи, қоғамдық әрі ғылыми талаптарға сай жүргізіледі деп білемін