Басшылықпен кездесу

2014 жылдың 21 қарашасында облыстық филармонияның концерттік залында облыстық мәдениет, мұрағаттар және құжаттама басқармасының басшысы Д.А.Құсайыновпен кездесу өтті.

Кездесуде Орал қаласының мәдениет және мұрағат мекемелерінің бірінші басшылары мен қатар аудандық деңгейдегі бірінші басшылары да қатысты. Кездесу барысында ҚР Президентінің Қазақстан халқына "Нұрлы жол. Путь в будущее" жолдауының негізгі қағидалары талқыланды, мұрағат және құжаттама саласындағы өзекті мәселелер талқыланды.

Бөкейорда және Казталов аудандық мұрағаттар директорлары өз баяндамалары мен ұсыныстарын енгізіп, мұрағаттық істі жаңа деңгейге көтеру және мекеме басшыларының мұрағат саласына деген жауапкешіліктерін арттыру қажеттігі және мұрағаттардың материалдық-техникалық жағдайлары туралы айтып өтті.

Көтерілген мәселелер бойынша басқарма басшысы Д.А.Құсайынов тиісті орындаушыларға нақты тапсырмалар берді.

Кездесу соңында Д.А.Құсайынов қатысушыларды келе жатқан ҚР Тұңғыш Президентінің күні мерекесімен құттықтап, Елбасының жолдаулары мен мемлекеттік саясатты іске асыруда жетістіктер тіледі және өз жауапкершіліктерін арттыруды сұрады.