Көкшетау қаласы оқушыларының делегациясы - мұрағат қонақтары

2014 жылдың 8 шілдесінде БҚО Мемлекеттік мұрағатында Көкшетау қаласының физика-математикалық бағыттағы Назарбаев Зияткерлік мектеп оқушыларының делегациясы болып кетті. Бұл шараны мектептер  «Туған елге тағзым» зерттеу-өлкетану экспедициясы шегінде және оқушыларда Отанға, оның тарихына деген сүйіспеншілік пен патриоттық сезім тәрбиелеу мақсатында ұйымдастырған. Мұрағатта оқушылар 1941-1945 жылдардағы Ұлы Отан соғысы туралы баяндайтын мұрағаттық құжаттармен танысып оларды кеңінен зерттеді.

Оқушылар мұрағаттың және мұрағат қоймасының жұмысымен таныстырылды, оларға мұрағаттық қызметтің тарихы туралы баяндалды, оқу залында Ұлы Отан соғысы жылдарындағы Орал өңірінің тарихына қатысты мұрағаттық құжаттармен дербес жұмыс жасады.  Мұнда қонақтарымыз Ұлы Отан соғысы тарихына қатысты бірегей құжаттарымен, біздің жерлестеріміз М.Маметова, С.Жақсығұлов  және т.б. соғыс ардагерлері мен соғыс батырларының жеке істері мен майданнан жазған хаттарымен танысты. Мұрағаттық құжаттарды зерттеудің арқасында оқушылар біздің жерлестеріміздің майданда танытқан каһармандықтары, тылдағы батысқазақстандықтардың майданға көмек көрсетудегі зор еңбектері және оккупацияға ұшыраған жерлерден эвакуацияланып келген заводтар, госпитальдер мен әскери училищелер өз жұмысын үзбей Орал қаласында орналасқандары  туралы егжей-тегжейіне дейін білді. Сол сияқты көптеген мәліметтер алды.

Оқушыларға естелікке мұрағаттың атынан мұрағат қызметінің 90 жылдығына орай шығарылған буклет табыс етілді.