Батыс Қазақстан облысының аудан архивтерімен семинар-кеңес

          2019 жылы 24 сәуір күні Батыс Қазақстан облысының мемлекеттік архивінде Батыс Қазақстан облысы ақпараттандыру, мемлекеттік көрсетілетін қызметтер және архивтер басқармасы басшысының орынбасары А.Ашықтың төрағалығымен облыстық (аудандық) архив директорларымен семинар-кеңес жиналысы өтті. Батыс Қазақстан облысының мемлекеттік архиві директорының орынбасары О.Тышқанбаев «Бірыңғай электрондық архив» бағдарламасын таныстыру барысында, архивтің электрондық форматқа көшудің тиімділігі туралы баяндады. Архив саласы бойынша нормативтік-құқықтық актілермен таныстыруды ведомстволық архив бөлімінің басшысы Б.Хасенова жүргізді.

          Жиналыс барысында Батыс Қазақстан облысы ақпараттандыру, мемлекеттік көрсетілетін қызметтер және архивтер басқармасы басшысының орынбасары А.Ашық архив саласы бойынша аудандық архив директорларымен сұрақ-жауап арқылы пікір алмасты.

          Сонымен қатар, ҚазАТиСО оқу орны Батыс Қазақстан облысы ақпараттандыру, мемлекеттік көрсетілетін қызметтер және архивтер басқармасымен болашақта бірге қызмет атқару меморандумына қол қойылды.

 

 

 

Автоматтандырылған технологиялар және цифрлау бөлімі