Ұлы Отан соғысының ардагері, Кеңес Одағының батыры Сәлім Нигметұлы Айтқұловтың туғанына 105 жыл толуына арналған виртуалды көрме

Ұлы Отан соғысының ардагері, Кеңес Одағының батыры Сәлім Нигметұлы Айтқұловтың туғанына 105 жыл толу құрметіне Сізге оның өмірі мен қызметіне қатысты құжаттардың электрондық көрмесін ұсынамыз.

Осы көрмені дайындау барысында негізгі дереккөз ретінде «Батыс Қазақстан облысының мемлекеттік архиві» КММ-дегі №-39 қорындағы Сәлім Нигметұлы Айтқұловтың жеке ісіндегі құжаттары пайдаланылды.

Көрменің негізгі мақсаты: Ұлы Отан соғысының ардагері, Кеңес Одағының батыры Сәлім Нигметұлы Айтқұловтың туғанына 105 жыл толуына орай өмірбаяны мен еңбек жолын оқырман қауымға таныстыру.

Міндеттері:

- өлке тарихын зерттеудің дереккөзі ретінде архивтік құжаттарды ұсыну;

- Жерлесіміз С.Н.Айтқұловтың өмірбаянымен таныстыру;

- өлке тарихына құрмет сезімін қалыптастыру.

Тарихи анықтама

Сәлім  Нигметұлы Айтқұлов 1913 жылы Батыс Қазақстан облысы Жаңақала ауданы Мухорок ауылында кедей шаруа отбасында дүниеге келген. Ата-анасы революциядан бұрын және революциядан кейін шаруашылықпен айналысқан. Әкесі Негмет Айтқұлов азаматтық соғыс кезінде қайтыс болды.

1927 жылы әкесі қайтыс болғаннан кейін ағасы Кәрім Айтқұлов тәрбиеледі.

1927-1930 жылдары Орал қаласында № 2 балалар үйінде тәрбиеленді. Осы уақыт аралығында ол қала мектебін бітірді.

1930 жылы ол Орал ауылшаруашылық техникумына түсіп, онда 1932 жылға дейін оқыды. 1932 жылы ауыруына байланысты оқуды тастап, жұмыс істеп бастайды. 1932-1940 жылдар аралығында облыстық мемлекеттік комитетінде есепші қызметін атқарады.

1941-1945 жылдары Ұлы Отан соғысының ардагері, Кеңес Одағының батыры, Ленин орденімен медалін және батылдық үшін алтын жұлдызымен марапатталды.

Кеңес әскер қатарынан келгеннен кейін, облыстық партия комитеті С.Н.Айтқұловты Батыс Қазақстан облысы тұтынушылар одағына жұмысқа жібереді, облыстық тұтыну одағының Басқарма төрағасының кадрлар жөніндегі орынбасары лауазымында жұмыс істеді.

1950 жылы 6 айлық тұтынушылық кәсіподақ басшыларын қайта даярлау курсынан өтті.

С.Н.Айтқұлов көп жылдар бойы облыстық тұтынушылар одағында жұмыс жасаған, жұмысқа адал, өзіне және жұмысшыларына талап еткен, жұмысын ұқыпты орындаған.

Өмірбаян, 39-қор, 1-тізім, 2-іс, 1-бет. Көшірме, машинкамен басылған, орыс тілінде.

Марапаттау қағазы, 39-қор, 1-тізім, 2-іс, 2-3-бет. Көшірме, машинкамен басылған, орыс тілінде.

Фотосурет, 39-қор, 1-тізім, 2-іс.