Қоғам қайраткері Мұхтар Әжіғұловтың туғанына 95 жыл толу құрметіне орай электрондық көрмеге орналастыруға жататын құжаттар тізімі
Тарихианықтама
Әжіғұлов Мұхтар –қоғам қайраткері.
Әжіғұлов Мұхтар 1922 жылы мамыр айының бірі күні кәзіргі Атырау облысы, Құрманғазы ауданы, Сүйіндік ауылында (бұрынғы Батыс Қазақстан облысы, Орда ауданы, Батырбек ауыл кеңесі) дүниеге келген. Әке-шешесі колхозшы.
1941 жылы М.Горкий атындағы орта мектепті қызыл аттестатпен және мақтау грамотасымен бітіріп, 1942 жылдың маусым айына дейін Орда аудандық оқу бөлімінің бас бухгалтері, Азғыр орта мектебінде жоғары сыныптарда математика және физикадан сабақ берді. 1942-1945 жылдары Отан соғысына қатысып, Сталинград, Калинин, Бірінші және Екінші Прибалтика майдандарында болды. 1945-1951 жылдары Ноғайбай жетіжылдық, М.Горкий атындағы Орда орта мектебінде оқытушы болды. 1951 жылы шілде айының бірі күні Орда аудандық оқу бөлімінің меңгерушісі болып тағайындалды. 1952 жылы партия жұмысына ауыстырылып, 1952-1957 жылдары Қаратөбе, Жымпиты аудандық партия комитеттерінің бюро мүшесі бола жүріп, комитеттің үгіт-насихат бөлімін басқарды, совхоздар жөнінде аудандық партия комитетінің аймақтық секретары болып істеді. 1957-1961 жылдары аудан орталығындағы орта мектепте директор, 1961-1962 жылдары Жымпиты ауданы Жосалы совхозы партия комитеті хатшысы, 1963-1965 жылдары Жымпиты аудандық партия комитетінің екінші хатшысы болды. 1965 жылдың наурыз айынан бастап 1972 жылдың қыркүйек айына дейін Жымпиты аудандық кеңесі атқару комитетінің төрағасы болды. 1972-1976 жылдары Орал облыстық тұтынушылар қоғамы басқарма төрағасының орынбасары, 1976-1982 жылдары орман шаруашылығы және ағаш өңдеу қызметкерлері облыстық кәсіподақ комитетінің төрағасы болып істеді.
Жұмыс жасаған кездерінде бірнеше рет аудандық, облыстық кеңестердің депутаты, аудандық, облыстық партия комитеттерінің мүшесі болып сайланды.
1973-1990 жылдар аралығында өткен тұтынушылар одағының облыстық, республикалық және одақтық кәсіподақтарының конференциясына, съездеріне делегат болып қатысты. Республикалық кәсіподақтың мүшесі болды.
Орда және Жымпиты аудандарының «Құрметті азаматы», Республикалық дәрежедегі дербес зейнеткер.
Одақ бойынша Ұлы Отан соғысына арналған «XX-ғасыр солдаттары» («Солдаты XX-века») атты көптомдық басылымның 4-шығарылымына және Қазақстан Республикасының Жеңістің 60-жылдығына арналған кітабының Отан соғысына қатысқандар бөліміне есімі енгізілген. Запастағы полковник.
5 бала-қыздар, 7 немере, 2 шөбересі бар. Жұбайы Қойсын-оқытушы.
|
№ |
Құжаттың атауы |
Мұрағаттық шифр |
Аннотация |
|
Өмірбаяндық мәліметтер |
|||
|
1
|
Өмірбаян
|
1110-қор, 1-тізім, 1-1-іс, 3 бет
|
Өмірбаян. Түпнұсқа, қолмен жазылған, орыс тілінде.
|
|
2
|
Депутат болып сайланғандығы туралы куәлік
|
1110-қор, 1-тізім, 1-7-іс
|
Түпнұсқа, қолмен жазылған, орыс тілінде.
|
|
3
|
Куәлік
|
1110-қор, 1-тізім, 1-8 -іс
|
«Құрмет кітабына» енгізілуі туралы. Түпнұсқа, қолмен жазылған, қазақ тілінде.
|
|
4
|
Анықтама
|
1110-қор, 1-тізім, 1-5 -іс
|
Кеңес Армиясы қатарында болғандығы туралы. Түпнұсқа, машинкамен басылған, орыс тілінде.
|
|
5
|
Куәлік
|
1110-қор, 1-тізім, 2-1 -іс
|
Орда ауданының Құрметті азаматы атағын алғандығын анықтау үшін берілді. Түпнұсқа, машинкамен басылған, қазақ тілінде.
|
|
6
|
Мақала
|
1110-қор, 1-тізім, 5-6 -іс
|
«Сексеннің сеңгіріндегі жеңіс сарбазы» Орал өңірі газеті, 9 мамыр 2002 жыл. Түпнұсқа, қазақ тілінде.
|
|
7
|
Мақала
|
1110-қор, 1-тізім, 5-12 -іс
|
«Сталинградты қорғаған» Орал өңірі газеті, 28 сәуір 2005 жыл. Түпнұсқа, қазақ тілінде.
|
|
8
|
Өлең
|
1110-қор, 1-тізім, 6-2 -іс
|
Наурыз Сдықовтың өлеңі. 01.05.1982 ж.
|
|
9
|
Құттықтау
|
1110-қор, 1-тізім, 6-3 -іс
|
Қазақстан компартиясының орталық комитеті Қазақ ССР жоғарғы советі қазақ ССР министрлер советінің Ұлы Отан соғысындағы Жеңіске 45 жыл толу мерекесімен құттықтауы. Түпнұсқа, қазақ, орыс тілінде.
|
|
10
|
Құттықтау
|
1110-қор, 1-тізім, 6-4 -іс
|
Қазақстан Республикасының Президентінің Ұлы Отан соғысындағы Жеңістің 50 жылдығымен құттықтауы. Түпнұсқа, қазақ, орыс тілінде.
|
|
11
|
Құттықтау хат
|
1110-қор, 1-тізім, 6-6 -іс
|
Орда ауданының әкімі Л.Хайретдиновтың құттықтау хаты
|
Фотосуреттер
фотосурет
ҒАА және құжаттарды пайдалану
бөлімінің басшысы:
С. Семгалиев
