Сараптау комиссиясы туралы Ереже

Батыс Қазақстан облысы мемлекеттік
мұрағатының директорымен
2013 жылғы «___» __________
БЕКІТІЛДІ

Батыс Қазақстан облысының мұрағаттар және құжаттама басқармасының «Батыс Қазақстан облысының мемлекеттік мұрағаты» ММ сараптау комиссиясы туралы
ЕРЕЖЕ

1. Жалпы ережелер

1. Сараптау комиссиясы (бұдан әрі – СК) Батыс Қазақстан облысы мемлекеттік мұрағатында (бұдан әрі- мұрағат) құрылады.

2.СК кеңесші орган болып табылады. Оның шешімі белгіленген тәртіппен БҚО мұрағаттар және құжаттама басқармасымен келісе отырып мұрағат бекіткеннен кейін күшіне енеді.
3 Мұрағат директорының бір орынбасарының төрағалық етуімен, мамандардан жасақталған СК құрамы басшының бұйрығымен (өкімімен) бекітіледі. Комиссия құрамына міндетті түрде іс жүргізу қызметінің және ведомстволық мұрағатының қызметкері ендіріледі.
4. СК өз қызметінде Қазақстан Республикасының «Ұлттық мұрағат қоры және мұрағаттар туралы» және Қазақстан Республикасы «Электрондық құжат және электрондық цифрлық колтанба туралы» (2003 жыл) Заңдарын және Қазақстан Республикасы Үкіметінің қаулыларымен бекітілген: «Мемлекеттік және мемлекеттік емес ұйымдарда құжаттама жасаудың және құжаттаманы басқарудың үлгілік қағидалары » (21.12. 2011ж. №1570), « Ұлттық мұрағат қорының құжаттарын және басқа да мұрағат құжаттарын ведомстволық және жеке мұрағаттардың қабылдауы,сақтауы, есепке алуы мен пайдалануы қағидалары» (22.12.2011ж. № 1583), «Ұлттық мұрағат қорының құжаттарын, басқа да мұрағат құжаттарын мемлекеттік және арнаулы мемлекеттік мұрағаттардың толықтыруы, сақтауы, есепке алуы мен пайдалану қағидалары (26.12.2011ж. №1604), « Сақтау мерзімдерін көрсете отырып, мемлекеттік және мемлекеттік емес ұйымдар қызметінде жасалатын үлгілік құжаттар тізбесі» (26.12.2011ж. № 1605), мұрағат бұйрықтарымен және комиссия туралы ережені басшылыққа алады.
5. Мұрағаттың СК туралы ережесі БҚО мұрағаттар және құжаттама басқармасының келісімі бойынша бекітіледі.

2. СК міндеттері және функциялары

6.СК-нің негізгі міндеттері:
1)Мұрағат іс жүргізу мен мұрағат ісін жетілдіру жөніндегі әдістемелік және практикалық жұмыстарды ұйымдастыру;
2) құжаттарды мұрағат мұрағатында одан әрі сақтау, есепке алу және пайдалану мақсаттарымен олардың өңделуін ұйымдастыру және нәтижелерін қарастыру болып табылады.
7. Негізгі міндеттерге сәйкес СК мынадай функцияларды жүзеге асырады:
- іс жүргізу және мұрағат ісінің мәселелері бойынша ұсыныстарды әзірлейді;
- құжаттардың құндылығына сараптама жасауды ұйымдастырады;
- құжаттама жасау мен құжаттаманы басқару жөніндегі мұрағат қағидаларын;
- мұрағат істер номенклатурасын;
- қолданыстағы тізбеде ескерілмеген құжаттарының сақтау мерзімдерін және жекелеген құжаттардың сақтау мерзімдерін өзгерту туралы ұсыныстарын;
- тұрақты уақытша (10 жылдан жоғары) сақталатын істердің жиынтық тізімдемесінің жылдық бөлімдерін, жеке құрам бойынша істерді және сақтауға жатпайтын істерді жоюға бөлу туралы актілерді;
- ғылыми-тарихи құндылығы мен практикалық мәнін жоғалтқан құжаттарын жоюға туралы актісін;
- сақтандыру қорының аса құнды істері мен құжаттарының тізімдемелерін;
- іздестіру жолдары тамамдалған, табылмаған істер туралы актіні;
- істердің түзетілмейтін зақымданулары туралы актіні келісу туралы шешім шығарады.

3. СК жұмысының тәртібі

8. СК құзыретіне жататын мәселелер, қажеттілігіне қарай, жылына кем дегенде екі рет өткізілетін отырыстарда қаралады.
9. СК шешімі көпшілік дауыспен қабылданады.
10.СК отырыстары хаттамаланады, отырыстардың хаттамаларына комиссия төрағасы, хатшысы қол қояды және мұрағат директоры бекітеді.
11. СК іс жүргізуін жүргізу және оның құжаттарын сақтау комиссия хатшысына жүктеледі.
12. мұрағат қызметкерлерінің СК-дағі жұмысы жылдық жоспарда көзделеді және қосымша ақы төлеуге жатпайды.