Ағымдағы жылдың 21 сәуірінде, Орталық мемлекеттік ғылыми-техникалық құжаттама архивінің ұйымдастыруымен «Қазақстан Республикасы тәуелсіздігінің 30 жылдығы: өткенге қарап болашаққа сенімді қадам басу»  атты дөңгелек үстел өткен болатын. Эпидимиологиялық жағдайға байланысты, дөңгелек үстел онлайн форматта өткен болатын. Дөңгелек үстелде республикадағы архив ісінің жетістіктері, перспективалары мен өзекті мәселелері және тарихи сананы жаңғырту үдерісіндегі республика архив мекемелерінің рөлі талқыланды. Сонымен қатар, архив құжаттарының Қазақстан тарихын зерттеудегі қайнар көзі ретіндегі маңызы туралы сөз қозғалды. Батыс Қазақстан облысының мемлекеттік архивінің атынан «Архив құжаттарын ғылыми, мәдени-ағартушылық бағытта пайдалану және тарихи сананы жаңғыртудағы архивтің рөлі» атты баяндамасымен Беркинбаева Асемгуль Мустахимқызы сөз сөйледі. Сонымен бірге дөңгелек үстелдің жұмысына тарихшылар, ЖОО-ның мұғалімдері, архив мекемелерінің қызметкерлері және қоғамдық ұйымдардың өкілдері қатысты.

          Дөңгелек үстел аясында ОМҒТҚА әлеуетті қор құрушы, жаратылыстану ғылымдарының Phd-докторы, ҚазҰАУ аға оқытушысы, суретші Керімбек Жұмаділханның «Егемен-мерейім!» атты көрмесі көпшілікке таныстырылды.
Сонымен қатар, Дөңгелек үстел қатысушыларына ОМҒТҚА Тәуелсіздік жылдарындағы қызметін бейнелейтін «Тәуелсіздік тұғыры - Қазақстан Республикасы Тәуелсіздігінің 30 жылдығы» атты құжаттар көрмесі ұсынылды.
Іс-шара соңында қатысушылар мен қонақтар Дөңгелек үстел жұмысының жемісті және табысты және мәнді, өткені туралы пікірлерін білдірді.