2017 жылғы 25 қазанда БҚО мемлекеттік архивінде «Ислам діні түсінігі және оның деструктивті діни ағымдардан айырмашылығы» деген тақырыпта ақпараттық-түсіндіру жұмыстары болып, оған мекеме қызметкерлері қатысты.

Жиында БҚО дін істері басқармасы «Аманат-Жайық» қорының теолог маманы Қыстаубаев Мұратбек Мұратханұлы дәстүрлі дін құндылықтарын сақтау, діни экстремизм мен терроризмнің алдын алу жөнінде өз ой-толғамдарымен бөлісті. Теолог-маман ислам дінінің құндылықтары, дәстүрдің дінмен біте қайнасуы туралы сөз қозғады. Өз сөзінде өңірдегі діни ахуал туралы әңгімелеп, жат ағымдардан сақтанудың жолдарын түсіндірді. Сондай-ақ, діни ілімді Қазақстан мұсылмандары діни басқармасы бекіткен маман иелерінен сұрау қажеттігін ескертті.

Ақпараттық-түсіндіру жұмыстары барысында архив қызметкерлері теолог-маманға сауалдарын қойып, жауаптар алды, өз ұсыныс-пікірлерін білдірді.