Басылымдар, шығарылымдар

Шаралар

Электрондық мұрағат

Қоғам қайраткері, Батыс Қазақстан облысы, Орда ауданы, Батырбек ауыл кеңесінің тумасы Мұхтар Әжіғұловтың туғанына 95 жыл толу құрметіне Сізге оның өмірі мен қызметіне қатысты құжаттардың электрондық көрмесін ұсынамыз.
Әжіғұлов Мұхтар 1922 жылы мамыр айының бірі күні кәзіргі Атырау облысы, Құрманғазы ауданы, Сүйіндік ауылында (бұрынғы Батыс Қазақстан облысы, Орда ауданы, Батырбек ауыл кеңесі) дүниеге келген. Әке-шешесі колхозшы.
1941 жылы М.Горкий атындағы орта мектепті қызыл аттестатпен және мақтау грамотасымен бітіріп, 1942 жылдың маусым айына дейін Орда аудандық оқу бөлімінің бас бухгалтері, Азғыр орта мектебінде жоғары сыныптарда математика және физикадан сабақ берді. 1942-1945 жылдары Отан соғысына қатысып, Сталинград, Калинин, Бірінші және Екінші Прибалтика майдандарында болды. 1945-1951 жылдары Ноғайбай жетіжылдық, М.Горкий атындағы Орда орта мектебінде оқытушы болды. 1951 жылы шілде айының бірі күні Орда аудандық оқу бөлімінің меңгерушісі болып тағайындалды. 1952 жылы партия жұмысына ауыстырылып, 1952-1957 жылдары Қаратөбе, Жымпиты аудандық партия комитеттерінің бюро мүшесі бола жүріп, комитеттің үгіт-насихат бөлімін басқарды, совхоздар жөнінде аудандық партия комитетінің аймақтық секретары болып істеді. 1957-1961 жылдары аудан орталығындағы орта мектепте директор, 1961-1962 жылдары Жымпиты ауданы Жосалы совхозы партия комитеті хатшысы, 1963-1965 жылдары Жымпиты аудандық партия комитетінің екінші хатшысы болды. 1965 жылдың наурыз айынан бастап 1972 жылдың қыркүйек айына дейін Жымпиты аудандық кеңесі атқару комитетінің төрағасы болды. 1972-1976 жылдары Орал облыстық тұтынушылар қоғамы басқарма төрағасының орынбасары, 1976-1982 жылдары орман шаруашылығы және ағаш өңдеу қызметкерлері облыстық кәсіподақ комитетінің төрағасы болып істеді.
Жұмыс жасаған кездерінде бірнеше рет аудандық, облыстық кеңестердің депутаты, аудандық, облыстық партия комитеттерінің мүшесі болып сайланды.
1973-1990 жылдар аралығында өткен тұтынушылар одағының облыстық, республикалық және одақтық кәсіподақтарының конференциясына, съездеріне делегат болып қатысты. Республикалық кәсіподақтың мүшесі болды.
Орда және Жымпиты аудандарының «Құрметті азаматы», Республикалық дәрежедегі дербес зейнеткер.
Одақ бойынша Ұлы Отан соғысына арналған «XX-ғасыр солдаттары» («Солдаты XX-века») атты көптомдық басылымның 4-шығарылымына және Қазақстан Республикасының Жеңістің 60-жылдығына арналған кітабының Отан соғысына қатысқандар бөліміне есімі енгізілген. Запастағы полковник.
5 бала-қыздар, 7 немере, 2 шөбересі бар. Жұбайы Қойсын-оқытушы.
Осы көрмені дайындау барысында негізгі дереккөз ретінде «Батыс Қазақстан облысының мемлекеттік архиві» КММ-дегі №1110 қорындағы Мұхтар Әжіғұловтың жеке тектік қор құжаттары пайдаланылды.
Көрменің негізгі мақсаты: Қоғам қайраткері, Батыс Қазақстан облысы, Орда ауданы, Батырбек ауыл кеңесінің тумасы Мұхтар Әжіғұловтың туғанына 95 жыл толуынаорай өмірбаяны мен еңбек жолын оқырман қауымға таныстыру.
Міндеттері:
- өлке тарихын зерттеудің дереккөзі ретінде архивтік құжаттарды ұсыну;
- Жерлесіміз Әжіғұлов М. өмірбаянымен таныстыру;
- өлке тарихына құрмет сезімін қалыптастыру.
                         Көрме келесі бөлімдерден тұрады:
1. Өмірбаяндық мәліметтер
 

Навигация


Веб-сұрау жүргізу

Сайттың қай бөлімі сізді ерекше қызықтырады?

Сайт пайдаланушылары

Қазір 1211 қонақ және Бірде бір тіркелген қолданушы жоқ сайтта отыр

ban anticor ru

ban anticor ru